Balabaqsha tárbıeshisi tártipke baǵynbaǵan balalardy ınemen «jazalaǵan»
ASTANA. QazAqparat - Qytaıda balalarǵa qatigez qarady degen kúdikpen balabaqsha tárbıeshisi qamaýǵa alyndy, dep habarlaıdy Sınhýa .
Bul aqparatty Beıjińdegi Chaoıan aýdanynyń prokýratýrasy jarııalady.
Lıý esimdi kúdikti Beıjińdegi jergilikti balabaqshalardyń birinde tárbıeshi bolyp jumys jasaǵan. Onyń balalarǵa jasaǵan qatygezdigi turǵyndardyń narazylyǵyn týdyrdy.
Tárbıeshi 25 qarashada qamaýǵa alyndy. Polıtsııanyń aıtýyna qaraǵanda, Lıý uıyqtamaı qoıǵan balalardy tigin tigetin ınemen «jazalaǵan».
