Balabaqsha tárbıeshilerine jalaqy tóleýdiń jańa júıesi engizilmek

ASTANA. QazAqparat – Ortalyq kommýnıkatsııalar qyzmetinde bolǵan brıfıngide Oqý-aǵartý mınıstri Ashat Aımaǵambetov balabaqsha tárbıeshilerine eńbekaqy tóleýdiń jańa júıesi synaqtan ótip jatqanyn aıtty, dep habarlaıdy QazAqparat tilshisi.

«Búgingi tańda balabaqshalarda bir pedagogke 25 baladan keledi. Pedagog pen bala arasyndaǵy sapaly qarym-qatynastyń, bir muǵalimge júkteletin júktemeniń saldarynan ár balaǵa kóbirek kóńil bólý múmkindigi shekteýli. Memleket basshysynyń tapsyrmasy aıasynda mektepke deıingi uıymdardyń pedagogterin attestattaý júıesi jańartylyp, olardyń jalaqysy kóteriledi. Sondaı-aq, tárbıeshilerdiń júktemesi azaıtylady. Bul mektepke deıingi tárbıeshilerge balalarǵa kóbirek kóńil bólýge jáne damytý men oqytý is-sharalarynyń tıimdiligin arttyrýǵa kóbirek múmkindik beredi. Qazir birneshe balabaqshada pılottyq joba júrgizilip jatyr. Onyń aıasynda tárbıeshilerge eńbekaqy tóleý júıesi synaqtan ótip jatyr. Sonymen qatar, pılottyq jobanyń qorytyndysy boıynsha mektepke deıingi uıym pedagogteriniń eńbekaqysyn arttyrý boıynsha esep usynylady. Normatıvtik quqyqtyq aktilerge de ózgerister engiziledi», - dedi Oqý-aǵartý mınıstri Ashat Aımaǵambetov.

Sondaı-aq, vedomstvo basshysy 10-11 synyp oqýshylary úshin aǵylshyn tili pániniń saǵatyn kóbeıtý josparlanyp otyrǵanyn aıtty.