Balabaqsha tárbıeshilerin jumysqa qabyldaý tártibi ózgerdi
ASTANA. QazAqparat - Balabaqsha tárbıeshileri attestatsııalaýdan ótýge múmkindik alady. Bul týraly búgin QR Parlamenti Senatynyń depýtattarymen kezdesken Bilim jáne ǵylym mınıstri Erlan Saǵadıev aıtty, dep habarlaıdy QazAqparat tilshisi.
«Mınıstrlik balabaqshaǵa mamandar tartý úshin birneshe shara qabyldaýda. Birinshiden aýyldaǵy balabaqsha meńgerýshilerin jumysqa qabyldaýda eńbek ótili 6-dan 3 jylǵa deıin qysqardy. Bul da úlken máseleniń biri bolǵan. Ekinshiden, pedagogterdi qoldaý úshin «Bilim týraly» Zańnyń 51- babyna ózgerister engizilýde. Endigi ýaqytta balabaqshaǵa jumysqa mektepke deıingi mamandyq boıynsha emes pedagogıkalyq bilimi bar mamandar qabyldanatyn bolady.
Onyń aıtýynsha, úshinshiden, osy ýaqytqa deıin mektepke deıingi mamandyǵy joq tárbıeshiler kategorııa alý úshin attestatsııadan óte almaıtyn. Endi attestatsııalaý erejesine ózgerister engizilip, pedagogıkalyq bilimi bar barlyq tárbıeshiler attestatsııalaýdan ótedi.
«Ol úshin qysqa merzimdi kýrstar engizip otyrmyz. Kýrstar jetkilikti», - dedi Erlan Saǵadıev.
