Balabaqsha tárbıeshileri qandaı qujattardy toltyrady

ASTANA. QazAqparat - Mektepke deıingi bilim berý uıymdarynyń tárbıeshileri men pedagogteri tek úsh qujat toltyrýy kerek. Bul týraly Oqý-aǵartý mınıstrliginiń «Balalardy erte damytý ınstıtýty» RMM dırektory Manara Adamova aıtty, dep habarlaıdy QazAqparat.

«Bıyl mınıstrlik tárbıeshilerdiń jumysyn edáýir jeńildetetin buıryqty bekitti. Onda mektepke deıingi bilim berý deńgeıindegi tárbıeshiler men muǵalimder toltyratyn úsh negizgi qujat anyqtalǵan. Bul - perspektıvalyq jospar, tsıklogramma jáne balanyń jeke damý jospary. Attestattaý kezinde basqa qujattar qaralmaıdy»,- dedi «Balalardy erte damytý ınstıtýty» RMM dırektory Manara Adamova.

Eske sala keteıik, bıyl mektepke deıingi tárbıe men oqytýdyń jańa Memlekettik standarty men úlgilik baǵdarlamasy qabyldandy. Sarapshylar bul mektepke deıingi bilim berý mazmunyn túbegeıli ózgertetin táýelsizdik jyldaryndaǵy eń úlken reforma ekenin atap ótti.

Jańa Memlekettik standart «oıyn arqyly oqytý» qaǵıdasyna negizdelgen balalardy damytýdyń negizgi ádistemesine oralýǵa múmkindik beredi. Sondaı-aq endi balabaqshalar erkin kún tártibin ázirleı alady. Bul tárbıeshilerge mınýt saıyn qatań kestege baılanbaı, kúni boıy balalar úshin oıyn jáne oqý jattyǵýlaryn uıymdastyrýǵa jol ashady.

Sonymen qatar jańa standartta balalardyń boıynda mańyzdy qundylyqtardy qalyptastyrýdyń tásilderi men ádisteri de kórsetilgen. Tárbıeshi balany neniń durys, neniń burys ekenin túsinýge, sypaıy jáne meıirimdi bolýǵa, dos bolýǵa, qurmetteýge, kómektesýge, bólisýge, qyzyǵýshylyq tanytýǵa, qorshaǵan álemdi baqylaýǵa, zertteýge jáne t.b. úıretedi.