Balabaqsha meńgerýshisi eńbek demalysyna shyǵarǵany úshin para alǵan - Alık Shpekbaev
«Bir rette Prezıdentimiz aqsha arqyly jumysqa turý máselesin kótergen edi. Iá, ońtústik jaqta ondaı kóp shyǵar. Sońǵy kezde oń ózgerister bar sııaqty. Degenmen, osydan bir apta buryn Qyzylorda oblysynda balabaqsha meńgerýshisi paramen ustaldy. Ol qyzmetkerdi eńbek demalysyna shyǵarǵany úshin 10 myń teńge alǵan», - dedi A.Shpekbaev «Astana-adaldyq alańy» jobasy aıasynda ótken jıynda.
Budan bólek, bilim berý mekemelerinde aqsha jınaý tyıylmaı otyr. Astana qalalyq departamenttiń basshysy Jazıra Jylqyshıevanyń aıtýynsha, sonyń ózi turmystyq sybaılas jemqorlyq bolyp sanalady.
«Biz qoǵamdyq uıymdardyń qatysýymen arnaıy saýalnamany ótkizdik. Sonda 100 adamnyń ishinde 87-si aqshany jınaýdyń bar ekenin rastady. Ondaı alym-salymnyń somasy bir toqsanda 10 000 teńgege deıin barady», - dep atap kórsetti J.Jylqyshıeva.
Onyń aıtýynsha, «Astana - adaldyq alańy» jobasynyń pılottyq keńsesi bilim basshylarynyń jeke jaýapkershiligi boıynsha arnaıy qujatty ázirledi. Ony Astanadaǵy aýdan ákimderi, basqarma basshylary men mekeme jetekshileri qabyldady.
«Búginnen bastap bilim berý mekemeleri basshylarynyń jeke jaýapkershiligi kúsheıdi. Jańa qujatqa sáıkes, basshy qol astyndaǵy qyzmetkerlerdiń zańsyz áreketi úshin jaýap beredi. Mektep oqýshylary men ata-analardan aqsha jınaýǵa qatań tyıym salynyp otyr», - dedi J.Jylqyshıeva.
Aıta keteıik, búgingi jıynda Astana ákimi Áset Isekeshev bıýdjettik sala qyzmetkerlerine 1 mıllıon teńge kólemindegi turǵyn úı kýálikteriniń beriletinin málimdedi. Qazirgi kezde biz qala qyzmetkerlerine arnalǵan jańa turǵyn úı baǵdarlamasyn ázirlep jatyrmyz. Ony Turǵyn úı qurylys jınaq banki arqyly iske asyratyn oıymyz bar. Turǵyn úı kýálikteri arqyly biz muǵalimder, dárigerler jáne taǵy basqa mamandardyń baspana máselesin sheshýdi kózdeımiz", - dep atap kórsetti Á.Isekeshev.
Al QR Bilim jáne ǵylym mınıstri Erlan Saǵadıev oqýshylardyń barlyq baǵalaryn onlaın rejımde baqylap otyrǵanyn jetkizdi. Aldaǵy ýaqytta balabaqshalar arasynda oryndy ózara kelisip aýystyrýǵa tyıym salynbaqshy.