Balabaqsha men sport kesheni ornyna kóppáterli úıler salynǵan – elordalyqtar beıbit mıtıngke shyǵady
Olardyń aıtýynsha, qalany damytýdyń bas josparynda atalǵan ýchaskelerde Gennadıı Golovkın atyndaǵy sporttyq-oıyn-saýyq kesheni, 280 oryndyq balabaqsha men bıznes-ortalyq qurylysy josparlanǵan. Alaıda elorda ákimdigi qoǵamdyq tyńdaý ótkizbeı, aýdannyń jospar jobasyn ózgertken, al joǵaryda atalǵan nysandardyń ornyna kóppáterli turǵyn úıler salynýda.
Qazaqstannyń Halyq partııasy alańynda «Sport city» TK turǵyndary Kereı Jánibek handar, Orynbor kósheleri men Turan dańǵyly qıylysyndaǵy úsh jer ýchaskesinde problemalyq qurylysqa alańdaýshylyq bildirdi.
«Bizdiń másele – elorda ákimdigi jasaǵan zańsyzdyqtyń anyq mysaly, olar qurylysshylar úshin qala josparyn op-ońaı ózgertedi. Bastapqyda bas jospar boıynsha bizde Gennadıı Golovkın atyndaǵy sport kesheni, 280 oryndyq balabaqsha jáne bıznes ortalyǵy salynýy tıis edi. Ne bolyp jatyr? Ákimdik jospardy zańsyz ózgertip jatyr. Nege zańsyzdyq dep aıtamyz? Sebebi qoǵamdyq talqylaýsyz josparǵa túzetý engizilgen, ıaǵnı qurylys, qala qurylysy jáne sáýlet qyzmeti týraly zańǵa sáıkes turǵyndardyń pikirleri eskerilmegen», - dedi «Sport city» TK turǵyny Leıla Taýtenova.
Leıla Taýtenova Gennadıı Golovkın atyndaǵy sport kesheniniń ornyna fıtnes ortalyǵy bar 9 qabatty kóppáterli baspana salynatynyn aıtty. Balabaqsha ornynda taǵy bir turǵyn úı kesheni salynǵan, ol jaqyn arada paıdalanýǵa beriledi. Sotta talqylanǵan úshinshi nysan – bıznes ortalyǵy edi, onyń da ornyna qurylysshylar taǵy bir keshen salyp jatqan kórinedi.
«Aınalamyzda osyndaı zańsyzdyqtar bolyp jatyr. Іshinara qurylystyń turǵyndar úshin zııandy saldary bar. Mundaı beıbereket qurylys áleýmettik nysandardyń, jol jelileriniń, jasyl keńistikterdiń bolmaýyna, baılanys pen ınfraqurylym problemalaryna ákep soǵady», - dedi L. Taýtenova.
Onyń aıtýynsha, «Sport city» TK turǵyndary shamadan tys júkteme artylǵan Turan dańǵylyna ǵana shyǵa alady. Jalpy, belsendilerdiń aıtýynsha, Kereı-Jánibek, Qabanbaı batyr, Orynbor, Turan kóshelerinde 10 myńnan astam adam turady.
«Sport city» TK taǵy bir turǵyny Vıoletta Maýl dóńgelek ústelde belsendiler máseleni sheshýge tyrysyp, sotqa shaǵym túsirgenin aıtty.
«Biz egjeı-tegjeıli josparlaý jobasyndaǵy ózgeristerdi jaramsyz dep taný úshin ákimdik ústinen sotqa aryz berdik. Ákimdik aıtqan pikirlerdiń birinde turǵyndardyń josparǵa shaǵymdanýǵa quqyǵy joq ekeni aıtyldy. Nelikten biz olardyń sheshimine shaǵymdanyp, pikir bildire almaımyz? Bıylǵy 26 shildede bizdiń aryzǵa teris jaýap keldi», - dedi V. Maýl.
Leıla Taýtenovanyń aıtýynsha, sport kesheni salynýy tıis jerde qurylys-montajdaý jumystary bastalǵan joq, biraq ýchaskeniń ózi qorshalǵan. Al nysannyń pasporty joq.
«Balabaqsha ornyna salynǵan ekinshi nysan qurylysy aıaqtalyp qaldy. Qurylys jáne TKSh isteri komıtetiniń jospardan tys tekserýinde óreskel buzýshylyqtar anyqtaldy. Áli kúnge deıin bul nysannyń tólqujaty joq, biraq turǵyn úıdi resmı túrde iske qosqaly jatyr. Tekserýden keıin sáýlet-josparlaý tapsyrmasy joıyldy. Úshinshi nysanda da tólqujat joq. Memlekettik saraptama júrgizilmegen. Kompanııa ruqsat qujattarynsyz, tek ákimdik qaýlysynyń negizinde ǵana qurylysqa kirisken. Muny Qurylys jáne turǵyn úı-kommýnaldyq sharýashylyq isteri komıteti rastady», - dedi turǵyn.
Qazir turǵyndar sot sheshimine shaǵymdanýǵa nıetti, óıtkeni olar bul sheshimmen kelispeıdi.
«Kelesi aptada biz qalalyq sotqa shaǵymdanýdy josparlap otyrmyz, al burynǵy alǵashqy talabymyz mamandandyrylǵan aýdandyq sotqa berildi. Taǵy da bizdiń aryzdan bas tartylsa, Joǵarǵy sotqa baramyz. Sońyna deıin jetemiz», - dedi L. Taýtenova.
Sonymen birge, QR IIDM Qurylys jáne turǵyn úı-kommýnaldyq sharýashylyq isteri komıtetiniń bas sarapshysy Qaırat Ótemisov turǵyndar ótinishimen problemalyq qurylystarǵa qatysty tekseris qorytyndysyn aıtty. Ol qala ákimdiginiń egjeı-tegjeıli josparlaý jobasyn ázirleýde jaqyn mańdaǵy úılerdiń barlyq talaptaryn, atap aıtqanda, qansha sport kesheni, balabaqshalar, mektepter, aýrýhanalar jáne basqa da áleýmettik nysandar qajet ekenin esepke alatynyn túsindirdi.
«Sáýlet basqarmasy qatań túrde zańǵa qaıshy keletin qaýlymen sáýlet-josparlaý tapsyrmalaryn (SJT) berip otyr. Bul keleshekte barlyq jerdi satyp alýǵa bolmaıtyn saldarǵa ákep soǵýy múmkin. SJT jobalaý jáne qurylys úshin negiz bolyp sanalady jáne bolashaqta turǵyndardyń múddelerine, jer ýchaskeleriniń menshik ıeleriniń múddelerine qaýip tónýi múmkin. Biz Nur-sultan qalasynyń ákimdigine birneshe ret hat jazdyq», - dedi Qaırat Ótemisov.
Jıyn sońynda Halyq partııasynyń tóraǵasy Ermuhamet Ertisbaev turǵyndarǵa belsendiligi úshin alǵys aıtyp, zań aıasynda áreket etýge shaqyrdy.
«Ákimdikten shuǵyl otyrys ótkizýdi suraımyn. Qala turǵyndary narazy, qandaı da bir shara qabyldaý qajet. Zańsyz qurylysty toqtatyp, tek balabaqshalarǵa, qajetti mańyzdy áleýmettik nysandarǵa ǵana nazar aýdarý kerek. Bizge halyq múddesi úshin áreket etetin halyq bıligi kerek», - dedi Ermuhamet Ertisbaev.
E.Ertisbaevtyń aıtýynsha, 20 tamyzda turǵyndar narazylyq bildirý úshin mıtıngke shyqqaly otyr. Onyń aıtýynsha, bastamashyl top qala ákimdiginen beıbit mıtıng ótkizýge ruqsat alǵan.
Qala turǵyndary bılikten buzylǵan quqyqtardy qalpyna keltirýdi, ákimdik qaýlylarynyń kúshin joıýdy jáne zańsyz dep tanýdy, turǵyndardyń pikirin eskerip, balabaqsha men sport keshenin salýdy, Kereı Jánibek handar, Turan dańǵyly men Orynbor kóshesi aýmaǵynda jasyl rekreatsııalyq aımaq qurýdy talap etýde.
