Balabaqsha men kolledj pedagogterin qorǵaýdyń qosymsha tetigi engizildi
ASTANA. KAZINFORM — Balabaqsha, kásiptiktik bilim berý salasyndaǵy barlyq pedagogterdi óz mindetine jatpaıtyn fýnktsııalardy atqarýdan qorǵaıtyn norma engizildi. Bul týraly Májilistiń jalpy otyrysynda bilim berý máseleleri boıynsha ózgeris engizýdi talqylaý kezinde depýtat Ashat Aımaǵambetov málim etti.
— Óz mindetine jatpaıtyn fýnktsııalardy atqarýdan qorǵaýdy keńeıtý eskerilgen. 2020 jyldan pedagogterdi óz mindetine jatpaıtyn jumysqa tartpaý týraly norma bar. Biraq ol negizinen mektep muǵalimderine qatysty boldy. Balabaqsha tárbıeshileri men kolledj pedagogteri zań júzinde osy qorǵaý tetiginen tys qalǵan jaǵdaılar kezdesti. Endi bul zań jobasy arqyly osy máseleni sheshemiz, — dedi Ashat Aımaǵambetov.
Depýtat jańa norma balabaqsha, kásiptiktik bilim berý salasyndaǵy barlyq pedagogke ortaq qoldanylatynyn aıtty.
Buǵan deıin pedagogterdi áleýmettik jaǵynan qoldaýdyń qandaı tetikteri bar ekenin jazǵan edik.