Balabaqsha qyzmetkerleriniń eńbekaqysy nege tómen
ASTANA. QazAqparat - Búgin Úkimet saǵatynda QR Parlamenti Májilisi tóraǵasynyń orynbasary Gúlmıra Isımbaeva muǵalimder men balabaqsha qyzmetkerleriniń eńbekaqysynyń tómendigine alańdaýshylyq bildirdi, dep habarlaıdy QazAqparat.
«Sońǵy 11 jylda bilim júıesine respýblıkalyq bıýdjetten 1 trln 207 mlrd teńge salyndy. Degenmen de búginde bilim salasy qyzmetkerleriniń ortasha aılyq eńbekaqysy eń tómengi deńgeıdegilerdiń biri bolyp qalýda. Osy oraıda 86,5 myń teńgeni qurap otyr», - dedi Isımbaeva.
Onyń sózine qaraǵanda, bilim jáne ǵylymdy damytýdyń memlekettik baǵdarlamasy maqsattarynyń biri mektepke deıingi uıymdardyń pedagogıkalyq kadrlarlardyń sapalyq quramyn jaqsartýǵa negizdelgen. Alaıda, dál osy deńgeıde kadrlarmen tolyq qamtylmaý baıqalyp otyr, ásirese, tárbıeshiler kómekshileri tapshy. Sebebi, kómekshilerdiń eńbekaqysy 29 myń teńgeni ǵana quraıdy.
QR Bilim jáne ǵylym mınıstrligi málimetine qaraǵanda, 2016 jyly 77 myń orynǵa arnalǵan 825 mektepke deıingi bilim berý uıymdary ashylyp, sonyń ishinde 45 myń orynǵa arnalǵan jekemenshik balabaqsha qamtylǵan. Osy oraıda 3-6 jastaǵy balalardyń balabaqshamen qamtý 81,6 paıyzdan 85,8 paıyzǵa ósti.
