Balabaqsha dırektory Temirtaý bilim berý bólimi basshysyna para bergeni úshin sottaldy
QARAǴANDY. QazAqparat - Temirtaýda bilim berý bóliminiń basshysyna eki ret para bergeni úshin «Korablık» bóbekter baqshasynyń dırektory sottaldy, dep habarlady «QazAqparat» HAA tilshisi.
Birinshi ret parany qalanyń bas pedagogynyń kabınetinde bergen. Dırektor oǵan 10 000 teńge berip, balabaqshaǵa balany onyń inisi retinde qabyldaýǵa joldama jazyp berýin ótinedi. Sheneýnik aqshany alyp, joldama jazyp bergen. Eki áıel de olardyń áreketteri aýdıo appartýraǵa jazylyp qalǵanyn bilmegen. Qurylǵyny kabınetke jasyryn shara júrgizgen Ulttyq sybaılas jemqorlyqqa qarsy is-qımyl departamentiniń qyzmetkerleri ornatqan.
Budan buryn olar bilim berý basshysy para alady degen rastalmaǵan tekserilmegen málimet alǵan. Jaǵdaıdy anyqtaý úshin prokýrordyń sanktsııasymen kabınettegi onyń barlyq áńgimeleri tyńdaldy. Bir aıdan soń balabaqsha dırektory bilim berý bóliminiń basshysyna taǵy para berdi. Áıel balabaqshaǵa bilim berý bólimi basshysynyń orynbasary Anna Starıkovskaıa kelip, qosymsha top ashýdy tapsyrǵanyn jetkizgen. Mekemede bala tolyq bolmaǵan. Al dırektor jańa top ashqysy kelmeı, bilim berý bólimi basshysynan óziniń orynbasarymen sóılesýdi ótinip 20 myń teńge bergen.
Ulttyq bıýro qyzmetkerleri ekeýin de ustady. Olarǵa para berý, alý aıyby taǵyldy. Temirtaý qalalyq sotynyń sýdıasy Talǵat Eleýov balabaqsha dırektoryn QK 397-baby 3-bóligi boıynsha aıypty dep tanydy.
Sot úkimimen sottalýshynyń menshigindegi qylmystyq jolmen alǵan múlikteri tárkilenip, oǵan paranyń qyryq ese kóleminde (bul 800 000 teńgege teń) aıyppul tóleý jazasy taǵaıyndaldy Sondaı-aq ol ómir boıyna memlekettik qyzmette jumys isteý quqyǵynan aıyryldy.
