Bala zorlamaq bolǵan aqmolalyq áskerı ustaldy — ІІM
ASTANA. KAZINFORM — Qorǵanys mınıstrliginiń áskerı qyzmetshisi kámelet jasyna tolmaǵan jasóspirimdi zorlamaq bolǵan. Bul aqparatty Іshki ister mınıstrliginiń baspasóz qyzmeti rastady.
— Kámeletke tolmaǵan jasóspirimge qatysty jynystyq sıpattaǵy zorlyq-zombylyq faktisi boıynsha qylmystyq is qozǵaldy. Qylmystyq quqyq buzýshylyq jasady degen kúdikpen sot sanktsııasymen oqýda júrgen Qorǵanys mınıstrligi aqmolalyq garnızonynyń áskerı qyzmetshisi ustalyp, qamaýǵa alyndy, — delingen mınıstrlik taratqan habarlamada.
Qazir tergeý amaldary jalǵasyp jatyr.
Sondaı-aq, Іshki ister mınıstrligi Qylmystyq-protsessýaldyq kodekstiń 201-babyna sáıkes ózge aqparat jarııalaýǵa jatpaıtynyn eske saldy.
Eske sala ketsek, qazanda Aqtóbede tergeý ızolıatorynda bala zorlaý isinde kúdikti ózine qol jumsaǵan edi.