Bala úshin áke-shesheniń ajyrasýynan asqan qasiret joq - AQSh ǵalymdary
ASTANA. QazAqparat - Indıana Ýnıversıtetiniń ǵalymdary aıqaı-shýsyz, otbasynda erli-zaıypty kelise otyryp ajyrasý balalardyń psıhıkasyna áser etpeıdi degen «ańyz» áńgimeni joqqa shyǵardy dep jazady, Rosbalt.
Doktor Djonatan Bekmaıer jetekshilik etip júrgizgen zertteýge 1998 jáne 2004 jyldary ajyrasyp ketken 250 otbasy qatystyryldy. Olardyń barlyǵy zertteý saýalnamalarynda burynǵy zaıybymen ajyrasý kezinde de, ajyrasqannan keıin de syılasyp, balalar úshin aralasyp turǵanyn jazǵan. Zertteýge qatysqan ata-analardyń shańyraq buzǵan ýaqyttarynda eń kishkentaı balalarynyń jasy ortasha eseppen segizde bolǵan. Zertteý nátıjesi boıynsha, sol kezeńdegi kishkentaı bala qınalyp, óse kele minezinde ózgerister paıda bolǵan. "Beıbit" ajyrasqan sol otbasynyń balalary kúızelis pen qaıǵyǵa berilgish, tipti nashaǵa beıim bolyp ketken. Áke-sheshesi ajyrasyp jatqanda olardyń sabaqtary da nasharlaǵanyn ǵylymı zertteý anyqtady.
«Biz osy ýaqytqa deıin erli-zaıyptylardyń ózara kelise otyryp, ajyrasýy balalar úshin asa aýyr bolmaıdy dep eseptep keldik. Shyndyǵynda ata-anasy aıqaı-shýmen ajyrasady ma, joq beıbit túrde nekelerin buzady ma, ol jaǵy balalarǵa báribir. Eń jamany aıyrylysý balanyń oıyn buzyp, qatty kúızeltedi, ishki jan dúnıesin talqandaıdy», - deıdi Djonatan Bekmaıer.
