Bala týýǵa baılanysty járdemaqy: tólem mólsheri jáne alý tártibi qandaı
ASTANA. KAZINFORM — Bıylǵy jyldyń 8 aıynda bala týýyna baılanysty birjolǵy járdemaqyny 200 myńnan astam otbasy rásimdedi.
Taǵaıyndalǵan tólemder sany boıynsha Túrkistan oblysy kósh bastap tur — munda 28 myńnan astam járdemaqy rásimdelgen. Almaty qalasynda 19 myńnan astam, al Astana qalasy boıynsha 17 myńnan astam járdemaqy berilgen.
— Járdemaqyny proaktıvti formatta da alýǵa bolady. Bala týýy tirkelgennen keıin ata-anaǵa SMS-habarlama keledi. Kelisimdi rastap, bank shotyn kórsetkennen keıin tólem avtomatty túrde taǵaıyndalady. 2026 jyly járdemaqy mólsheri birinshi, ekinshi jáne úshinshi balaǵa — 164 350 teńge, tórtinshi jáne odan keıingi balalarǵa — 272 475 teńge, — delingen habarlamada.
Ótinishti kez kelgen HQO-da berýge bolady. Ol jaǵdaıda qyzmet 7 jumys kúni ishinde kórsetiledi. Al elektrondy úkimet portaly nemese ekinshi deńgeıdegi bankterdiń mobıldi qosymshalary arqyly ótinish bergen jaǵdaıda, qyzmet 4 jumys kúni ishinde kórsetiledi.
Qujattardy bala týǵan kúnnen bastap 18 aı ishinde tapsyrý mańyzdy. Osy merzim ótkennen keıin járdemaqy alý quqyǵy joıylady.
Aıta ketelik mınıstrlik nelikten keıbir járdemaqy 3 jylda 1 ret qana kóteriletini týraly túsinikteme bergen edi.
