Bala týý jasyndaǵy áıelderdiń arasyndaǵy ólimder men aýrý-syrqaýlardyń negizgi sebebi - VICh aýrýy
ASTANA. Naýryzdyń 3-i. QazAqparat - Álemde bala týý jasyndaǵy áıelderdiń arasyndaǵy ólimder men aýrý-syrqaýlardyń negizgi sebebi - VICh (adamnyń qorǵanysh tapshylyǵy qozdyrǵyshy) bolyp tabylady,
dep habarlady BUU-nyń AQTQ/JQTB problemalary jónindegi baǵdarlamasy (UNAIDS).
Juqtyrylǵan qorǵanysh tapshylyǵy belgisi problemasyna (SPID) arnalǵan Nıý-Iorktegi onkúndik konferentsııada sóz sóılegen uıym ókilderi, genderlik teńsizdik problemasyn da talqylaýdyń qajettiligin erekshe atap kórsetti, dep habarlaıdy VVS telekompanııasy.
Afrıkanyń ońtústiginde AQTQ-ınfektsııasy er azamattarǵa qaraǵanda, 15-24 jastyń aralyǵyndaǵy qyz-kelinshekterdiń arasynda kóp taraǵan. Álem boıynsha áıelderdiń 70 paıyzy zorlyq-zombylyqqa qarsy tura almaıtyndyqtan, ınfektsııanyń aldyn ala almaı otyr, dep habarlaıdy BUU baǵdarlamasy.
