«BALA Turkvizyon-2015» baıqaýynyń irikteý týryna qatysýshylarǵa jas mólsherinen basqa eshqandaı shekteý qoıylmaıdy - D. Adam

Bul týraly búgin Almatyda ótken arnaıy baspasóz máslıhaty barysynda «ADAM Media Group» kompanııasynyń bas dırektory Dınara Adam málimdedi.

Onyń aıtýynsha, kastıng barysynda qatysýshylar tek qazaq tilinde ǵana emes, basqa da tilderde de án shyrqaı alady.

«Talap boıynsha irikteý týry barysynda ár óńirden bir-bir daryndy jasópirimnen tańdap alynady. Olarǵa jas mólsherinen basqa eshqandaı shekteý qoıylmaıdy. ıAǵnı, bar ónerlerin ortaǵa salýǵa múmkindikteri bar. Sonymen qatar, sahnada jalǵyz turyp óner kórsetý mindet emes. Boı-bend (uldar toby), gerlz-bend (qyzdar toby), dýet, kvartet bolyp ta shyǵa berýlerine bolady. Tek ár top bes adamnan asyp ketpese bolǵany. Bul jerde tálimgerlerge úlken jaýapkershilik júkteledi. Eń daryndy jasóspirimdi neese topty solar ǵana tańdaıdy. Al shyrqalatyn ánderdiń uzaqtyǵy 2,5 mınýttan 3 mınýt 20 sekýndtqa deıin» - dedi óz sózinde D. Adam.

Sonymen qatar ol «BALA Turkvizyon-2015» Halyqaralyq balalar áni baıqaýyna Qazaqstannyń atynan qatysatyn jas ánshiniń ánine klıp túsiriletindigin jetkizdi.

«Qazaqstannyń atynan halyqaralyq sahnaǵa shyǵatyn jas ánshi, baıqaýda qandaı oryn alsa da, onyń ánine joǵary sapaly klıp túsiriledi. Qalaı bolǵanda da bul baıqaý ol úshin úlken tájirıbe jáne úlken óner jolyna bastaıtyn joldama bolyp tabylady. Bul jerde bir aıta ketetin jáıt, ulttyq irikteý baıqaýyna qatysqan barlyq 16 qatysýshy nazardan tys qalmaıdy. Barlyǵy da baǵaly syılyqtarmen marapattalady. Olarǵa óz ónerlerin damytýǵa qoldaý kórsetiledi» - dedi D. Adam.

Aıta ketelik, elimizdiń jas estrada juldyzdarynan quralǵan top, ıaǵnı 16 tálimger ózderine belgilengen óńirge baryp, 8 jas pen 13 jas aralyǵyndaǵy jasóspirimder arasynda irikteý týrlaryn ótkizedi. Olardyń arasynda Marjan Arapbaeva, Rınat Maltsagov, Dastan Orazbekov, Kámshat Joldybaeva sekildi juldyzdar bar. Kastıng 1 tamyzǵa deıin sozylady.

Keıin, búkil Qazaqstan boıynsha tańdap alynǵan 16 úmitker Almatyǵa keledi. Munda óner salasynyń mamandary úsh apta boıy olardy vokaldyq jáne ártistik sheberlikke, sahnadaǵy qozǵalystarǵa jáne horeografııaǵa úıretedi. Árqaısysyna qazaq tilinde jańa kompozıtsııa jazylady.

Uıymdastyrýshylardyń aıtýynsha, qyrkúıek aıynyń sońynda Astana qalasynda «BALA Turkvizyon-2015» ulttyq irikteý baıqaýynyń fınaly ótedi. Onda Qazaqstannyń atynan halyqaralyq «BALA Turkvizyon-2015» baıqaýyna bir oryndaýshy tańdap alynady.

Al halyqaralyq «BALA Turkvizyon-2015» baıqaýynyń grand-fınaly ústimizdegi jyly shamamen qazan nemese qarasha aıynda Túrkimenstannyń Mary qalasynda ótedi. Baıqaý álemniń túrki tildes 40 astam elinde tikeleı efırden kórsetiledi.

Aıta ketelik, «BALA Turkvizyon-2015» ulttyq baıqaýy «Jandaný álemi» qorynyń quryltaıshysy Álııa Nazarbaevanyń tikeleı qamqorlyǵymen ótedi.