Bala týǵanda beriletin járdemaqyny onlaın rásimdegen analar arasynda baıqaý ótkiziledi
«Azamattarǵa arnalǵan úkimet» jas bosanǵan analar arasynda «Anaǵa tsıfrlyq járdem» baıqaýyn jarııalaıdy. Bala týýyna baılanysty beriletin járdemaqyny egov.kz portaly arqyly onlaın rásimdep, ol týraly áleýmettik jelide jazba (post) jazǵan analar baıqaýdyń qatysýshysy atana alady», delingen habarlamada.
Baıqaý sharty boıynsha járdemaqyny onlaın rásimdegen analar jazǵan postynda memlekettik korporatsııanyń resmı akkaýnty @gov4c.kz belgilep (Instagram jelisin) #anaǵatsıfrlyqjárdem heshtegin qoıýy tıis.
Baıqaý jeńimpazdary 15 qyrkúıek – Analar kúni anyqtalatyn bolady. Konkýrs aıasynda post jazǵandardyń esimderi bir tizimge jazylyp, jeńimpaz randomdy túrde, ıaǵnı kezdeısoq nómirdiń túsýi arqyly tańdalady.
Qyzyqty post jazyp, baıqaýǵa qatysqan úsh jeńimpaz bebek.kz ınternet-dúkeninen «Sweety» brendiniń jórgekterin bir aı boıy alýǵa múmkindik beretin sertıfıkatqa ıe bolady. Jubanysh syılyǵy retinde taǵy bes jeńimpaz balalar azyǵyn, ydys-aıaǵyn, kútim quraldaryna qosymsha sertıfıkat alady.
Aıta keterligi, «Bala týǵanda beriletin jáne bala kútimi jónindegi járdemaqylardy taǵaıyndaý» qyzmeti egov.kz portalynda 2017 jyldyń 29 jeltoqsanynda iske qosylǵan. Jyl basynan beri alty aı ishinde onlaın túrde bala týýyna qatysty 19 myń járdemaqy rásimdelgen.
