Bala tárbıesi týraly #DanaMenBala atty kitap jaryqqa shyǵady
#DANÁMENBALA – Dana Ormanbaevanyń 2018 jyly #MYNERÝGAEMDETEI degen atpen taralǵan besinshi pýblıtsıstıkalyq eńbegi. Ol eki jylda oqyrman júregin jaýlap, bala tárbıesi týraly izdenýshilerdiń súıikti týyndysyna aınalyp, otandyq kitap satylymynyń úzdigi atandy. Bul kitap Dananyń alǵashqy úsh kitaby sııaqty self-menedjment taqyrybyn, tórtinshi kitaby sııaqty senim fenomeni taqyrybyn qozǵamaıdy. Tutastaı bala tárbıesi máselelerine arnalǵan.
Biz balalarymyzdy durys tárbıelep jatyrmyz ba? Olar laıyqty azamat bolyp ósýi úshin áke-sheshe neni bilýi kerek? Tárbıede eń mańyzdy másele qandaı? Bala tártipti bolý kerek pe, baqytty bolý kerek pe? Onyń baqytty bolýyna áke-sheshe qalaı áser ete alady? Osy suraqtardyń bári kez kelgen sanaly ata-anany tolǵandyrady.
Avtordyń pikirinshe, úlkenderdiń bala tárbıesi týraly osy ýaqytqa deıin bilgenderi eskirdi, iske jaramaı qaldy, sánnen de shyqty, eń qıyny durys nátıje bere almaı jatyr. Al qazirgi «zeta» - jańa býyn urpaqtaryna tárbıe berýde ınnovatsııa kerek.
Osy oraıda avtor óziniń 25 jyldyq belsendi jáne sanaly analyq tájirıbesimen ózine tán márttikpen, keńdikpen bólisedi. Avtor #DANÁMENBALA kitabynda usynǵan qarym-qatynas tehnologııalary, ózara senim men tózimniń modelderi shynymen tań qaldyrady. Úsh ul, bir qyzdyń anasy Dana Ormanbaeva tárbıe júıesin jańa ýaqyt talaptaryna saı qalyptastyrǵan. Bul bilimniń tipti bolashaq býynǵa da tıimdi bolary anyq. Óıtkeni baqytty ata-ana bolý úshin mahabbat pen tózim ǵana emes, sonymen qatar bilim de qajet.
#DANÁMENBALA - ǵylymı ádebıet emes, ol túıgeni mol ananyń ómir tájirıbesinen alynǵan. Jalań sózder emes, ǵylymı negizdelgen týyndy. Avtordyń bala tárbıesine degen jaýapkershiligi kitaptyń qundylyǵyn, oǵan degen senimdi arttyra túsedi.
