Bala tárbıelemes buryn aldymen ózimizdi tárbıelegenimiz jón – Aınur Іlııasova
ALMATY. QazAqparat – Aktrısa, telejúrgizýshi, qoǵam qaıratkeri Aınur Іlııasova 1 maýsym – Halyqaralyq balalardy qorǵaý kúnine oraı bala tárbıesine qatysty oıyn bólisti, dep habarlaıdy QazAqparat tilshisi.
Qazir telejúrgizýshi dekrettik demalysta. Ol 3,5 jáne 1,2 jasar eki qyzdy tárbıelep otyr.
«Otbasy ınstıtýtyn nyǵaıtýǵa baǵyttalǵan qoǵamdyq qor ashqan bolatynbyz. Sol qordyń arqasynda túrli forýmdar, festıvalder uıymdastyrdyq. Munyń barlyǵyn ózimniń ata-analyq deńgeıimdi kóterý úshin jasadym. Biz ata-ana bolý úshin de kóp oqýymyz kerek. Zaman ózgerdi, ýaqyt ótip jatyr. Bizdiń burynǵy tárbıemiz ózekti emes. Endi ata-analar balany emes, ózin tárbıeleýi tıis. Qazir biz óz balalarymyzǵa model bolýymyz kerek. Qazir biz olarǵa «avtorıtet» emespiz. Buryn biz «ushaq qalaı ushady, qaǵaz qalaı jasalady?» dep bárin suraıtynbyz. Qazir balalar onyń bárin ıýtýbty ashyp, ózi bilip alady», - deıdi Aınur Іlııasova.
Onyń oıynsha, ata-ana eń aldymen balaǵa serik bolýy kerek.
«Balaǵa uryspaı túsindirýge tyrysamyn. Biraq, eshqashan qol kótermedim demeımin. Uryspaı bala tárbeıeleýge kele jatyrmyn. Ár ýaqytta balamen sóıleskende «bolmaıdy» dep qana qoımaı, nege bolmaıtynyn túsindirýge tyrysamyn. Sebebin uǵyndyram. Balany ár ýaqytta qushaqtap súıý, jaqsy kóretinińdi aıtý kerek. Otbasynda bári durys bolmasa, basqa jerden baqyt izdep kerek emes», - deıdi Aınur.
Telejúrgizýshi balalardy qazirgi aqparat aǵynynyń qajetsiz bóliginen, ádiletsizdikten, tym erkeletýden, qoǵamnyń agressıvti shabýyldarynan qorǵaý kerektigin eske saldy.
Ol búgingi balalar meıramyn otbasynyń ortasynda atap ótpek.
