«Bala-shaǵańdy oıla!»: Óskemen turǵynyn qorqytyp, jerin tartyp alǵan almatylyq ustaldy
Almatydan Óskemen qalasyna kelgen krımınalıtet ókili jergilikti kásipkerdiń jerin tartyp alý úshin otbasyna kúsh kórsetetinin aıtyp qorqytqan, dep habarlaıdy Kazinform.
ShQO-da krımınalıtet ókilin ustaý boıynsha arnaıy operatsııa júrgizildi. Belgili bolǵandaı, 57 jastaǵy er adam Óskemenge Almaty qalasynan kelgen. Osyndaǵy sybaılasymen birge jergilikti kásipkerdi bopsalaǵan.
«Kásipkerge jáne onyń otbasyna kúsh qoldanatynyn aıtyp qorqytyp, oǵan tıesili jer telimin óz atyna aýdarýǵa májbúrledi. Oblystyq PD uıymdasqan qylmysqa qarsy kúres basqarmasynyń qyzmetkerleri men ShQO boıynsha UQK departamenti birlesip eki kúdiktini ustady. Olardyń biri ýaqytsha ustaý ızolıatoryna qamaýǵa alynǵan. Onyń turǵylyqty úıin tintý barysynda jerge qatysty qujattar tárkilendi», - deıdi oblystyq PD bastyǵy, polıtsııa general-maıory Erlan Omarbekov.
Ekinshi kúdikti qolhatpen bosatyldy. Atalǵan fakti boıynsha QR QK-niń 194-baby 2-bóligine (Bopsalaý) sáıkes sotqa deıingi tergeý amaldary júrgizilip jatyr.
