Bala saýdasymen aınalysqan akýsher ólim jazasyna kesildi
ASTANA. 14 qańtar. QazAqparat - Qytaı soty sábılerdi saýdalaǵany úshin akýsher-dárigerdi ólim jazasyna kesti, dep habarlady RBK.
Aıyptalýshy Chjan Shýsıa sotta nárestelerdi perzenthanadan urlap, satyp jibergenin moıyndady, dep málimdedi Associated Press.
Akýsher Qytaıdyń soltústik-shyǵysyndaǵy Shensı provıntsııasynyń Fýpın okrýgindegi perzenthanada jumys istegen. Qylmystyq istiń materıaldary boıynsha, dáriger ata-analarǵa sábıleriniń týa bitken kemistikteri bar ekenin aıtyp, olardan bas tartýǵa úgittegen.
Oǵan qosa, ol birneshe provıntsııada bala saýdalaýdyń jelisin quryp úlgergen. Onyń basynda Chjan Shýsıanyń ózi turǵan.
Tergeý amaldaryna sáıkes, ol sábılerdi bireýge bir baǵamen satsa, al olar óz kezeginde ol balany alǵan baǵasynan qymbatqa satyp otyrǵan. Sóıtip bala saýdasynda da alyp-satarlyq paıda boldy.
Urlanǵan 7 sábıdiń 6-ýy ne óz ata-anasyna qaıtaryldy, ne polıtsııaǵa tapsyryldy, al bireýi, ókinishke oraı, qaıtys bolyp ketti
