Bala satqandar 8 jylǵa bas bostandyqtarynan aıyryldy

Bul týraly QazAqparat QR Bas prokýratýrasynyń baspasóz qyzmetine silteme jasap habarlaıdy.

Baspasóz qyzmetiniń aqparatyna qaraǵanda, 28 qazan 2010 jyly Almaty qalasy Túrksib aýdany polıtsııasyna №20 qala polıklınnıkasynyń bas dárigerinen azamatsha Isaevany jańa týǵan balasymen birge, izdep tabý týraly ótinish túsken. Atalǵan fakti boıynsha tergeý organdarymen QR QK-niń 133 babynyń 2 tarmaǵymen - aldyn ala sóz baılasý boıynsha adamdar tobymen kámeletke tolmaǵan adamdy satyp alý-satý týraly qylmystyq is qozǵalyp, bul is birinshi kúnnen bastap Túrksib aýdany prokýrorynyń jeke baqylaýynda boldy. Kúdikti azamattardy qamaýǵa alý týraly tergeýshiniń ótinishhaty prokýratýramen qoldaý taýyp, sot arqyly aıyptalýshylar A.H.Ogly, S.Isaev, Bejentsevtardy qamaýǵa sanktsııa alyndy.

«Aldyn ala tergeý kezinde anyqtalǵandaı, Isaevanyń ózi turaqty jumys orny bolmaǵan, ádepsiz ómir súrgen jáne aqshaǵa únemi zárý bolyp júrgen. 2010 jyly qyrkúıek aıynda óziniń tanysy Bejentsevqa óziniń qalaýynsyz júkti ekenin aıtqan, ol oǵan balasyn ózge adamdarǵa satý týraly usynys jasaǵan. Isaeva onymen sóz baılasyp, 2010 jyly qyrkúıek aıynyń sońynda 1000 AQSh dollaryna emhanadan shyǵa sala, jańa týǵan balasyn Bejentsev arqyly A.Oglyǵa beredi, Bejentsevqa qyzmet kórsetkeni úshin aqshanyń bir bóligin beredi. Búgingi tańda atalǵan qylmystyq is Almaty qalasy mamandandyrylǵan kámeletke tolmaǵandarǵa arnalǵan sotpen qaralyp, aıyptaý úkimi shyǵaryldy, kináliler jasaǵan qylmystarynyń aýyrlyǵyn eskere otyryp tıisti jazalaryn aldy. Sottalǵandardyń kinálary tergeý barysynda jáne sot tergeýi kezinde jınalǵan materıaldarmen tolyq dáleldendi. Sonymen, 12.04.11 jylǵy sot úkimimen QR QK-niń 133 baby 2 tarmaǵy «a» bóligimen A.H.Ogly men S.Isaeva kináli dep tanylyp, árqaısysy 8 jylǵa bas bostandyǵynan aıyryldy. P.Bejentsev te kináli dep tanylyp 7 jylǵa bas bostandyǵynan aıyryldy», - delingen baspasóz aıǵaǵynda.