Bala quqyqtaryn qorǵaý jónindegi ýákil Túrkistan oblysynda boldy
Aýdan ákiminen bastap birqatar memlekettik organdardyń basshylary qatysqan basqosýda ýákil oblystaǵy bala quqyǵyn qorǵaý baǵytyndaǵy jumystarǵa toqtaldy, dep habarlaıdy QazAqparat tilshisi.
Bala quqyqtaryn qorǵaý jónindegi ýákil Sáýle Aıtpaevanyń tóraǵalyǵymen Túrkistan qalasynda selektorlyq májilis ótti. Jıynǵa oblys ákiminiń orynbasary Ulasbek Sádibekov, oblystyq basqarma basshylary men qyzmetkerleri, oblystyq prokýratýrasynyń basshylyǵy, oblystyq ishki ister departamentiniń orynbasary, jergilikti polıtsııa qyzmetiniń ıývenaldy polıtsııa bóliminiń mamany, sondaı-aq, aýdan, qala ákimderiniń orynbasarlary selektorlyq rejımde qatysty.
Májiliste jalpy kámelettik jasqa tolmaǵandardyń ózekti máseleleri men olardy sheshý joldary qarastyrylyp, talqylandy. Jıynda oblys ákiminiń orynbasary Ulasbek Sádibekov qazirgi tańda qoǵam aldynda turǵan basty mindetterdiń biri - balalar men jasóspirimder arasyndaǵy quqyqbuzýshylyqtyń aldyn-alý ekenin atap ótti. Kámeletke tolmaǵandar arasyndaǵy qylmystyń ósýine jol bermeý máselesine toqtaldy. Kún tártibindegi másele boıynsha oblystyq otbasy, balalar jáne jastar isteri jónindegi basqarmasynyń basshysy Balmarjan Narbekova, oblystyq ІІD jergilikti polıtsııa qyzmetiniń bastyǵy Ábdiǵanı Seıdýalıev, oblystyq bilim basqarmasynyń basshysy Isataı Saǵyndyqov baıandama jasady.
Májilis sońynda Sáýle Aıtpaeva bala quqyǵyn qorǵaý máselesi árdaıym nazarda bolý kerektigin atap ótip, bala quqyǵyn qorǵaýǵa tikeleı qatysty mekeme basshylaryna óz mindetterine jaýapkershilikpen qaraýdy tapsyrdy.
