Bala quqyqtary jónindegi ýákil 152 aýdanda Otbasyn qoldaý ortalyǵyn ashýdy usyndy
Keshe Memleket basshysy Bala quqyqtary jónindegi ýákil Dınara Zákıevany qabyldaǵan edi.
«Osyǵan deıin QR Prezıdenti Túrkistan oblysynda ótken Ulttyq quryltaı barysynda balalardy qorǵaý júıesindegi eń ózekti máseleler men basty baǵyttardy aıqyndaǵan edi. Sondyqtan qabyldaý kezinde balalar quqyǵyn qorǵaý salasyndaǵy ózekti máselelerdi sheshýge baǵyttalǵan usynystarymdy baıandadym.
Eń bastysy – otbasylarǵa kómek kórsetetin jáne olardy qıyn jaǵdaıdan shyǵaratyn júıe men ınfraqurylym qurý. Qazirgi tańda 3 mıllıonǵa jýyq otbasy kómekke muqtaj. Al balanyń ál-aýqaty otbasynyń ál-aýqatymen tikeleı baılanysty. Sol sebepti bul fýnktsııany zańmen áleýmettik qorǵaý salasyna bekitý jáne 152 aýdanda Otbasyn qoldaý ortalyǵyn ashý týraly jetkizdim», - dep jazdy D. Zákıeva Facebook jelisinde.
Sonymen katar ýákil áleýmettik qoldaý tetikterin kúsheıtý týraly baıandady. Qazir elimizde erekshe qajettiligi bar 104 myń bala bar. Prezıdentpen kezdesýde olardyń jáne de jetim balalardyń ózekti máselelerin sheshetin usynystar aıtylǵan.
«Erekshe balalarǵa jane aýylda turatyn balarǵa arnalǵan ınfraqurylymdy damytý kerek. Balalardyń 47 paıyzy aýylda turady, alaıda aýyldardyń kóbinde balalarǵa arnalǵan ınfraqurylym sany jetkiliksiz», - deıdi D. Zákıeva.
