Bala quqyǵyn qorǵaýǵa qatysty olarǵa qylmystyq jaýapkershilikke qatysty jasyn ulǵaıtý kózdeledi
ASTANA. Qyrkúıektiń 28-i. QazAqparat /Qanat Mámetqazyuly/ - Búgin QR Parlamenti Senaty Áleýmettik mádenı-damý komıtetiniń keńeıtilgen otyrysy bolyp ótti.
Onda senatorlar «Qazaqstan Respýblıkasynyń keıbir zańnamalyq aktilerine balanyń quqyqtaryn qorǵaýdy qamtamasyz etý máseleleri boıynsha ózgerister men tolyqtyrýlar engizý týraly» zań jobasyn talqylady. Esterińizge sala keteıik, atalǵan zań jobasynyń maqsaty - balalardy áleýmettik ortanyń teris yqpalynan qorǵaýdyń tıimdiligin arttyrý, sondaı-aq quqyq qoldaný praktıkasynyń basymdyqtaryn jazalaý-qýǵyndaý sharalarynan profılaktıkalyq jáne qorǵaý fýnktsııalaryna qaraı ózgertý bolyp tabylady.
Zań jobasy týraly baıandaǵan Іshki ister vıtse-mınıstri Aleksandr Kýlınıchtiń aıtýynsha, qujatta balanyń quqyqtaryn qorǵaý men kámeletke tolmaǵandar arasynda quqyq buzýshylyqtardyń aldyn alýǵa baǵyttalǵan quqyqtyq sharalar júıesin keńeıtý kózdeledi. «Osyǵan oraı, zań jobasynda urlyq, tonaý jáne bopsalaýshylyq jasaǵany úshin qylmystyq jaýapkershilik bastalatyn jasty 14-ten 16-ǵa deıin ulǵaıtý kózdeledi. Kámelettik jasqa tolmaǵan balany jezókshelikpen aınalysýǵa tartqany úshin jaýaptylyq kózdelgen bap engiziledi. Budan bólek kámeletke tolmaǵan balanyń erotıkalyq sıpattaǵy materıaldardy satýyna tıym salynady», dedi A. Kýlınıch.
Onyń sózine qaraǵanda, qujatta sondaı-aq kámeletke tolmaǵandardy olardyń densaýlyǵyna zııan tıgizetin aýyr jumystarǵa nemese olardyń bilim alýyna kedergi keltiretin jumystarǵa tartýǵa tıym salynady. Zań jobasy boıynsha damyǵan elderdiń balalar quqy boıynsha tájirıbeleri zerdelenip, eskerilgen.
