Bala quqyqtaryn buzý derekteri boıynsha shaǵym azaıdy ma

ASTANA. KAZINFORM — Bala quqyqtaryn buzý derekteri boıynsha 20-ǵa jýyq shaǵym boldy. Bul týraly Oqý-aǵartý mınıstrligi Mektepke deıingi bilim berý departamentiniń dırektory Manara Adamova málim etti.

Búgin Ortalyq kommýnıkatsııalar qyzmetindegi baspasóz máslıhatynda balabaqshalarǵa qatysty ata-analardyń shaǵymdary jónindegi suraq qoıyldy.

- Shaǵymdardy resmı organdar (polıtsııa) tirkeıdi, olar bizge bul statıstıkany bermeıdi. Degenmen, bizge túsken shaǵymdar boıynsha áreket etemiz. Atap aıtqanda, balalar quqyqtarynyń buzylýynyń birde-bir jaǵdaıy bolmaýy kerek ekenin túsinemin. Biraq eger shaǵymdar túsip jatsa, onda mundaı derekter anyqtalyp jatqanyn bildiredi. Jyl basynan beri shaǵymdar 20-dan aspaǵan. Máselen, úsh jyl buryn statıstıkada 38-ge deıin osyndaı derek tirkeldi. Bul turǵyda statıstıkada aıtarlyqtaı tómendeý bar. Mundaı birde-bir jaǵdaı bolmaýy kerek ekenin túsinemiz, - dedi Manara Adamova.

Aıta keteıik, Qazaqstanda balalarǵa arnalǵan uıymdardy tekserý tártibi ózgerdi.

Budan buryn habarlanǵandaı, 2027 jyly mektepke deıingi bilim berýi uıymdaryn lıtsenzııalaý engiziledi.