Bala kezimdegi qara tuman áli seıilmepti – Shymkent ákimi qalanyń basty kemshiligin atady

Shymkent qalasynyń ákimi Ǵabıt Syzdyqbekov ortalyq kommýnıkatsııalar qyzmetinde ótken brıfıngide shahardyń basty kemshiligin atady, dep habarlaıdy Kazinform.

«Shymkent qalasynyń eń basty úsh jetistigi men úsh kemshiligi qandaı?» dep surady jýrnalıst.

Ǵabıt Syzdyqbekov Shymkentke ákim bolyp kelgenine 3 aı ǵana bolǵanyn eske saldy.

«Spýtnık» skveri men «Fosforshylar» mádenıet saraıynyń memleketke qaıtarylýyn jetistik der edim. Onyń ústine biz qalanyń tazalyǵyn qolǵa aldyq. Meniń ózime de qalada serýendeý unap barady. Qazaq taza bola tústi dep esepteımin», — dedi ol. 

Onyń sózinshe qalanyń negizgi kemshiligi — las aýa.

«Kemshilikterdiń ishinde aýanyń lastanýyn aıtýǵa bolatyn shyǵar. Áli kúnge deıin solaı. Esimde, bala kezimde qalanyń ústinen qara tuman basyp turatyn. Ókinishke qaraı, jaǵdaıdyń sonshalyq jaqsaryp ketkenin baıqamadym. Turǵyndardy alańdatatyn máselelerdiń biri — osy der edim», — dedi ákim.