Bala kezinde kontslager tutqyny bolǵan atyraýlyq keıýanaǵa 1 mln teńge beriledi
Oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Azamat Mámbetovtiń aıtýynsha, Jeńistiń 78 jyldyǵyna oraı tyl eńbekkerlerine, soǵys zardabyn tartqandar men olardyń ekinshi ret nekege turmaǵan jubaılaryna jergilikti bıýdjetten bir jolǵy qarjylaı kómek kórsetiledi.
«Qazir Atyraý oblysynda Ekinshi dúnıejúzilik soǵytyń ardagerleri joq. Biraq, soǵys jyldarynda tyldaǵy qajyrly eńbegi men minsiz áskerı qyzmeti úshin burynǵy KSRO-nyń ordenderimen jáne medalderimen nagradtalǵan 29 ardagerge 100 myń teńgeden bir jolǵy qarjylaı kómek beriledi. Olarǵa aı saıyn 10 myń teńge járdemaqy tólenip otyr. Al, 1941 jylǵy 22 maýsym men 1945 jylǵy 9 mamyr aralyǵynda keminde alty aı jumys istegen jáne soǵys jyldarynda tyldaǵy qajyrly eńbegi men minsiz áskerı qyzmeti úshin burynǵy KSRO-nyń ordenderimen jáne medalderimen nagradtalmaǵan 1157 adamǵa 30 myń teńge birjolǵy aqshalaı kómek berilip keledi. Soǵys kezeńinde fashıster men olardyń odaqtastary qurǵan májbúrlep ustaý oryndaryndaǵy kámeletke tolmaǵan tutqyndar qatarynda bolǵan bir adamǵa 1 mln teńge tólenedi», dephabarlady Azamat Mámbetov.
Onyń málimetinshe, qaıtys bolǵan maıdangerler men soǵys múgedekterine teńestirilgen adamdardyń ekinshi ret nekege turmaǵan 25 jesiri bar. Olarǵa 30 myń teńge kóleminde birjolǵy aqshalaı kómek taǵaıyndalady. Al, ózge memleketter aýmaǵyndaǵy urys qımyldarǵa qatysqan 1130 adamǵa 150 myń teńgeniń kómegi berý úıǵarylǵan.
Eske sala ketelik, buǵan deıin Atyraýda múgedektigi bar adamdar úshin 150 oryndyq ońaltý ortalyǵy salynatynyn jazǵan edik.