Bala qaı jasta shet tilin tez meńgerip alady?
ASTANA. 12 qazan. QazAqparat - Zertteý barysynda anyqtalǵandaı, bala 2-4 jas aralyǵynda jańa tildi tez meńgerip kete alady, dep habarlaıdy meddaily.ru saıtynan.
Dál osy jas aralyǵynda balanyń mıy qarqyndy damıtyn kórinedi.
Rod-Aılend shtatyndaǵy Braýn ýnıversıtetiniń ǵalymdary bir jastan alty jasqa deıingi 108 balanyń bas mıyn zerttegen. Zertteý barysynda bala týǵannan keıin qalyptasa bastaıtyn mıelın qabyqshasy basty nysanǵa alyndy.
Ǵalymdardyń boljaýynsha, mıelın qabyqshasy tórt jasta qalyptasyp bolady. Osyǵan sáıkes mıdyń aqparatty qabyldaýy tórt jasqa deıin eken.
Sondyqtan da osy jas aralyǵynda eki tildi ortada ósken balalar eki tildi de tez meńgerip kete alady, sebebi osy jasta balalardyń mıy qarqyndy damıdy. 12 aılyq balalardyń sózdik qorynda 50 sóz bolsa, 6 jasqa kelgende ol 5 myń sózge deıin tolyǵady eken.
