Bala qaýipsizdigi: Almatyda SIM KIDS jobasy resmı túrde iske qosyldy
ASTANA. KAZINFORM — Bul ınternetke qaýipsiz jáne baqylanatyn qol jetkizýdi qamtamasyz etetin arnaıy balalar SIM-kartasy. Bul týraly Bas prokýratýranyń baspasóz qyzmeti habarlady.
Buǵan deıin Bas Prokýrordyń tapsyrmasy boıynsha 2023-2025 jyldarǵa arnalǵan balalardy zorlyq-zombylyqtan qorǵaý, sýıtsıdtiń aldyn alý jáne olardyń quqyqtary men ál-aýqatyn qamtamasyz etý jónindegi Keshendi josparǵa kámeletke tolmaǵandardy ınternettegi destrýktıvti kontenttiń zııandy áserinen qorǵaýǵa baǵyttalǵan usynystar ázirlengeni habarlanǵan bolatyn.
— Osy bastama aıasynda Almaty qalasynyń prokýratýrasy TELE2/ALTEL baılanys operatorymen birlesip «SIM KIDS» pılottyq jobasyn iske qosty. Bul ınternetke qaýipsiz jáne baqylanatyn qol jetkizýdi qamtamasyz etetin arnaıy balalar SIM-kartasy. Karta avtomatty túrde zııandy kontentti buǵattaıdy, ata-analarǵa balanyń qosymshalardaǵy belsendiligin baqylaýǵa múmkindik beredi jáne dybyssyz rejımde bolsa da, balamen baılanysta bolýdy qamtamasyz etedi, — delingen prokýratýra habarlamasynda.
Joba pılottyq synaq kezeńinen sátti ótip, qazirgi ýaqytta barlyq nıet bildirýshiler úshin qoljetimdi.
Esińizde bolsyn balalardyń qaýipsizdigi qarapaıym sheshimder men eresekterdiń beıjaı qaramaýynan bastalady.
Aıta ketelik 4 aıdyń ishinde balalarǵa qatysty 1 309 qylmys tirkelgen.