«Bala» gorıllanyń sýreti jyldyń eń kúlkili fotosy atandy
ASTANA. KAZINFORM — Comedy Wildlife Photography Awards 2025 janýarlardyń eń kóńildi fotosýretteriniń jyl saıyn ótetin baıqaýynyń qorytyndysyn jarııalady. Bul týraly baıqaýdyń saıtynda habarlandy.
Baıqaýdyń negizgi sanatynyń jeńimpazy retinde «Bestik ber» dep atalatyn kishkentaı gorıllanyń fotosy tanyldy.
«Ol kúni biz Amahoro otbasy dep atalatyn úlken topty kezdestirdik. Olar orman alańqaıynda jınalyp, eresekteri jaıbaraqat tamaq terip júrdi, al kishkentaı «balaqaılar» bir-birimen oınap júrgen. Bir bala gorılla óziniń akrobatıkalyq qabiletin barynsha kórsetýge tyrysty, túrli pırýetter jasap, aınalyp júrdi. Onyń ónerin tamashalaý naǵyz qýanysh boldy, ári men onyń oıynqumarlyq yntasyn osy kadrda jetkize alǵanyma qýanyshtymyn», dedi sýret avtory, brıtandyq fotograf Mark Met Koen.
Jeńimpazdar tizimine sondaı-aq amerıkalyq fotograf Greıson Bellanyń eki qurbaqa túsken «Kúshpen dinge kirý rásimi» («Kreşenıe novoobraşennogo protıv ego volı») atty sýreti, nemis fotografy Paýl Rýstemaıerdiń «Bı alańyna jarys — breık-dans battlyndaǵy túlkiler» atty oınap júrgen túlkiler jáne basqa da kadrlar endi.
Baıqaýdyń qazylar alqasy sanattarǵa kirmegen, biraq joǵary baǵa alǵan basqa sýretter toptamasyn da jarııalady. Olardyń qatarynda amerıkalyq fotograf Melın Ellvangerdiń «Hor» dep atalatyn arystandar fotosy, fın fotografy Valtterı Mýlkahaınenniń «Kúl — seni túsirip jatyr» atty aıý sýreti jáne basqa da kadrlar bar.
Aıta keteıik, qoıandaryn dalaǵa jibergen nemis blogeri mıllıondaǵan jazylýshysynan aıyrylǵanyn jazdyq.