Bala densaýlyǵy anasyna tikeleı baılanysty - dáriger
ASTANA. QazAqparat - Balanyń densaýlyǵyn qorǵaýda ata-ana jaýapkershiliginiń mańyzy zor. Bul týraly Astanadaǵy №1 qalalyq balalar aýrýhanasy bas dárigeriniń orynbasary Saıran Jamýkova aıtty, dep habarlaıdy QazAqparat.
Balanyń densaýlyǵy ulttyń bolashaǵymen tikeleı baılanysty. Deni saý urpaq myqty memlekettiń negizin qalaıdy.
«Qazir kóptegen áıelder túrli ınfektsııalarmen aýyrady. Gendik dertterge shaldyqqan. Sonyń saldarynan jáne basqa da sebepterge baılanysty balalar túrli aýrýlarǵa shaldyǵyp, dúnıege keledi. Sondyqtan da áıelder júktilik kezeńderin josparlaýy kerek. Óıtkeni densaýlyǵy jaqsy áıel ǵana deni saý urpaqty ómirge ákele alady. Balanyń densaýlyǵyna eń birinshi ata-anasy jaýapty. Balalardy ýaqtyly tekserýden ótkizip otyrý, ony emdeýshi dárigermen tyǵyz qarym-qatynas jasaý - bala densaýlyǵynyń bir kepili», - deıdi Saıran Jamýkova.
Aıta keteıik, Astanadaǵy № 1 qalalyq balalar aýrýhanasy - 1950 jyly negizi qalanǵan medıtsınalyq mekeme. Aýrýhana sońǵy 20 jyl ishinde 100 myńǵa jýyq búldirshiniń syrqatyn emdep, jazǵan.
