«Bala daýysy» ulttyq án baıqaýyna irikteý júrip jatyr
ASTANA. QazAqparat - Astanada «Bala daýysy» I ulttyq án baıqaýyna irikteý bastaldy. Qazaqstan Táýelsizdiginiń 25 jyldyǵyna arnalǵan sharaǵa 7 men 13 jas aralyǵyndaǵy jetkinshekter qatysa alady, dep habarlaıdy 24.kz.
Aıta ketken jón, bul joba Álııa Nazarbaevanyń «Jandaný» qoryna qaraıdy. Mamyr aıynda bastalǵan baıqaýda birqatar óńirlerde irikteý ótti. Elimizdegi belgili prodıýserler men kásibı ánshiler kil myqtyda kim myqty ekenin anyqtaıtyn bolady. 15 qyrkúıekten bastan júzden júırik shyqqandar Almaty qalasyndaǵy stýdııa-teatrda tálim alyp, sheberlikterin shyńdaýǵa talpynbaq. Al kúlli qazaqstandyqtar kóz tikken ulttyq baıqaýdyń fınaly qarashaǵa josparlanǵan. Aqtyq synǵa súrinbeı jetip, bas báıgeni qanjyǵasyna baılaǵan búldirshinge mýzykalyq mektepte oqý granty tabystalady.
