«Bala daýysy» baıqaýynyń 5-maýsymyna irikteý bastaldy
NUR-SULTAN. QazAqparat - «Bala daýysy» ulttyq balalar án konkýrsynyń besinshi maýsymyna irikteý qashyqtyqtan ótedi, dep habarlaıdy QazAqparat.
Baıqaýdyń 5-maýsymyna irikteý 26 naýryz ben 25 sáýir aralyǵynda uıymdastyrylady. Oǵan 8-12 jas aralyǵyndaǵy balalar qatysa alady.
Onlaın-irikteý týryna qatysý úshin ótinimdi toltyryp, kez kelgen tilde jáne kez kelgen janrda eki-úsh án úzindileri oryndalǵan vıdeony jiberý qajet. Іrikteý týrynyń qorytyndysy boıynsha 17 fınalıst anyqtalady. Olar maýsym aıynyń basynda Almaty qalasyna shaqyrylatyn bolady».
«Bala daýysy» – bul áleýmettik joba. Onyń barlyq kezeńderine qatysý tegin, al jeńimpazdary men júldegerleri elimizdiń mýzykalyq oqý oryndarynda bilim alýǵa granttar men ertegiler álemi - Dısneılendke joldama alady.
Baıqaýdyń uıymdastyrýshylary - Álııa Nazarbaevanyń «Jandaný álemi» qory, QR Mádenıet jáne sport mınıstrligi jáne QR Tuńǵysh Prezıdenti-Elbasy qory.
Tolyq aqparatty konkýrstyń resmı www.baladauysy.kz saıtynan bilýge bolady. Ótinimder www.notka.kz saıtynda 26 naýryzdan bastap qabyldanady.
