Bala asyrap alý talaptaryna ózgeris engizý usynyldy
Oqý-aǵartý mınıstrligi usynyp otyrǵan qujatta «týystar» jáne «jaqyn týystar» degen uǵymdar engizilgen.
Jaqyn týystar – ata-ana, ata-anasy bir jáne bólek aǵaly-iniler men apaly-sińliler, ata men áje jáne nemereler.
Al, týystar – úlken atasy men úlken ájesine deıingi býynda ortaq ata-babalary bar týystyq baılanystaǵy adamdar.
Sondaı-aq, jańa normanyń biri – bala asyrap alýshylardyń densaýlyq jaǵdaıyna qatysty málimetter. Buryn tek balany asyrap alýǵa nıetti adamnyń densaýlyǵy týraly aqparat suralatyn. Endi baýyryna bala basqysy kelgen azamat nekede bolsa, onda ol jubaıynyń nemese joldasynyń juqpaly dertpen aýyrmaǵanyn jáne narkologııalyq, psıhologııalyq tirkeýde turmaıtynyn rastaýy qajet.
Budan ózge, bala asyrap alýshy quzyrly organǵa psıhologııalyq daıarlyqtan ótkeni týraly sertıfıkat usynýy tıis. Qujat bala asyrap alynǵan ýaqyttan keıin bir jyl ishinde jergilikti bilim basqarmalaryna berilýi qajet.
Ózgerister engizilgeli otyrǵan buıryq 16 tamyzǵa deıin ashyq talqylaýǵa shyǵaryldy.
Eske sala keteıik, buǵan deıin jetim balalar men áleýmettik az qamtylǵan otbasynan shyqqan elordalyq túlekterdiń oqý aqysy tólenetinin jazǵan edik.
