Bala asyrap alý qupııasyn jarııa etken aqmolalyq áıel isti boldy

KÓKShETAÝ. QazAqparat - Aqmola oblysynda bala asyrap alý qupııasyn ashqan turǵynyń ústinen qylmystyq is qozǵaldy, dep habarlaıdy QazAqparat tilshisi.

Oblystyq polıtsııa departamenti baspasóz qyzmetiniń málimetinshe, birneshe jyl buryn otbasy balany resmı túrde asyrap alyp, qupııany saqtaý maqsatynda turǵylyqty jerin ózgertken. Alaıda balany asyrap alý týraly otbasynyń jańa turǵylyqty jeri boıynsha habarlandy. Balanyń ata-anasy polıtsııaǵa aryz bergen.

«Tekserý barysynda polıtseıler bala asyrap alý týraly málimetterdi jarııa etýge qatysy bar kúdiktini anyqtady. Ol 41 jastaǵy jergilikti turǵyn boldy. 18 sáýirde áıel jábirlenýshimen janjaldan keıin bul aqparatty asyrap alynǵan balaǵa aıtty. Moıyndaý aıǵaqtary bar», - dep atap ótti vedomstvodan.

Qazirgi kezde, osyǵan baılanysty QR QK 138-baby «bala asyrap alý qupııasyn jarııa etý» boıynsha sotqa deıingi tergeý amaldary júrgizilýde.