Bala asyrap alý kezinde beriletin aqshalaı tólemdi alý jeńildedi
«Biz bul protsesti barynsha jeńildetýge tyrystyq jáne endi tólemdi alý úshin tek negizgi málimetterdi engizý qajet. Taǵaıyndalǵan tólem somasy kórsetilgen jaýap nemese bas tartý týraly dáleldi jaýap paıdalanýshynyń jeke kabınetine kelip túsedi. Bul qyzmette bala týraly usynylǵan derekterdi, bank shoty týraly derekterdi tekserý syrtqy aqparattyq júıelerden júrgiziledi. Bul - buryn bolmaǵan jańashyldyq. Atalǵan jańartýlar qyzmet kórsetý ýaqytyn aıtarlyqtaı qysqartty», - dep túsindirdi «UAT» AQ basqarma tóraǵasy Áset Turysov.
Kórsetilgen qyzmetti alý úshin eGov.kz kirip, «Otbasy» qosymsha betin tańdaý kerek. Sonyń «Bala» atty bóliminde «Jetim balany jáne (nemese) ata-ana qamqorlyǵynsyz qalǵan balany asyrap alýǵa baılanysty birjolǵy aqshalaı tólemdi taǵaıyndaý» kórsetiletin qyzmetin tańdaý qajet.
Budan ári portalda avtorlaný jáne «Qyzmetke onlaın tapsyrys berý» batyrmasy boıynsha ótý. Sodan soń bala asyrap alý týraly sot sheshimi týraly málimetterdi, balanyń JSN jáne bala asyrap alýshynyń (ótinish berýshiniń) atyna ekinshi deńgeıdegi bankte ashylǵan jeke shottyń nómirin engizý qajet, sodan soń qyzmetti sms-parol nemese ETsQ kómegimen qol qoıý qajet.
Qyzmet Nur-Sultan, Almaty jáne Shymkentte, sondaı-aq oblystar men oblystyq mańyzy bar qalalarda kórsetiledi.
Qyzmet kórsetý merzimi - 5 jumys kúni.
