Bala asyrap alǵan ata-analardan endi 6 aı saıyn olarǵa bólingen qarajatty jumsaý týraly esep talap etiledi
Qazaqstan Respýblıkasy Úkimetiniń qaýlysy №615
2016 jylǵy 24 qazan, Astana, Úkimet Úıi
«Memlekettiń qorǵanshylyq jáne qamqorshylyq jónindegi fýnktsııalaryn júzege asyrý qaǵıdalaryn bekitý týraly» Qazaqstan Respýblıkasy Úkimetiniń 2012 jylǵy 30 naýryzdaǵy № 382 qaýlysyna ózgerister men tolyqtyrýlar engizý týraly
Qazaqstan Respýblıkasynyń Úkimeti qaýly etedi:
1. «Memlekettiń qorǵanshylyq jáne qamqorshylyq jónindegi fýnktsııalaryn júzege asyrý qaǵıdalaryn bekitý týraly» Qazaqstan Respýblıkasy Úkimetiniń 2012 jylǵy 30 naýryzdaǵy №382 qaýlysyna (Qazaqstan Respýblıkasynyń PÚAJ-y, 2012 j., № 40, 523-qujat) mynadaı ózgerister men tolyqtyrýlar engizilsin:
kórsetilgen qaýlymen bekitilgen Memlekettiń qorǵanshylyq jáne qamqorshylyq jónindegi fýnktsııalaryn júzege asyrý qaǵıdalarynda:
3-tarmaq mynadaı redaktsııada jazylsyn:
«3. Memlekettiń qorǵanshylyq jáne qamqorshylyq jónindegi fýnktsııalary kámeletke tolmaǵandardyń, onyń ishinde asyrap alýǵa, balany qabyldaıtyn otbasylarǵa berýge, ózderine qorǵanshylyqty nemese qamqorshylyqty, patronatty belgileýge muqtaj jetim balalar men ata-anasynyń qamqorlyǵynsyz qalǵan balalardyń jáne qorǵanshylyqtaǵy nemese qamqorshylyqtaǵy, patronattaǵy, sondaı-aq jetim balalar men ata-anasynyń qamqorlyǵynsyz qalǵan balalarǵa arnalǵan uıymdarda tárbıelenip jatqan jetim balalar men ata-anasynyń qamqorlyǵynsyz qalǵan balalardyń quqyqtary men múddelerin qorǵaý maqsatynda júzege asyrylady.»;
7-tarmaqtyń 6) tarmaqshasy mynadaı redaktsııada jazylsyn:
«6) eger qorǵanshylardyń nemese qamqorshylardyń qamqorlyqqa alynýshylardyń zańdy múddelerin bildirý boıynsha áreketteri Qazaqstan Respýblıkasynyń zańnamasyna nemese qamqorlyqqa alynýshylardyń múddelerine qaıshy keletin bolsa ne eger qorǵanshylar nemese qamqorshylar qamqorlyqqa alynýshylardyń zańdy múddelerin qorǵaýdy júzege asyrmaıtyn bolsa, jetim balalar men ata-anasynyń qamqorlyǵynsyz qalǵan jáne qorǵanshylyqtaǵy nemese qamqorshylyqtaǵy, patronattyq tárbıedegi, balany qabyldaıtyn otbasylaryndaǵy, sondaı-aq jetim balalar men ata-anasynyń qamqorlyǵynsyz qalǵan balalarǵa arnalǵan uıymdardaǵy balalardyń zańdy múddelerin kez kelgen adamdarǵa qatysty (onyń ishinde sottarda) bildirý;»;
mynadaı mazmundaǵy 8-1-tarmaqpen tolyqtyrylsyn:
«8-1. Organ jetim balalardyń, ata-analarynyń qamqorlyǵynsyz qalǵan balalardyń jáne balalardy óz otbasyna tárbıeleýge qabyldaýǵa tilek bildirgen adamdardyń respýblıkalyq derekter bankin qalyptastyrady.»;
9-tarmaqta:
birinshi bólik mynadaı redaktsııada jazylsyn:
«9. Jetim balalardyń, ata-anasynyń qamqorlyǵynsyz qalǵan balalardyń quqyqtary men múddelerin qorǵaýdy organ Qazaqstan Respýblıkasynyń zańnamasynda belgilengen tártippen olardy otbasyna tárbıeleýge (bala asyrap alý, qorǵanshylyq nemese qamqorshylyq, patronat, balany qabyldaıtyn otbasy), al mundaı múmkindik bolmaǵan kezde - jetim balalarǵa, ata-anasynyń qamqorlyǵynsyz qalǵan balalarǵa arnalǵan barlyq úlgidegi uıymdarǵa berý arqyly júzege asyrady.»;
1), 2), 6), 10), 11), 12) jáne 13) tarmaqshalar mynadaı redaktsııada jazylsyn:
«1) jetim balalar men ata-anasynyń qamqorlyǵynsyz qalǵan balalardy qorǵanshylyqqa (qamqorshylyqqa), asyrap alýǵa, patronatqa, balany qabyldaıtyn otbasylarǵa ne atalǵan sanattaǵy balalarǵa arnalǵan uıymǵa ornalastyrý týraly másele sheshilgenge deıin olardy ýaqytsha ornalastyrýdy qamtamasyz etedi;
2) jetim balalar men ata-anasynyń qamqorlyǵynsyz qalǵan balalardy qorǵanshylyqqa (qamqorshylyqqa), patronatqa, balany qabyldaıtyn otbasylarǵa, bala qonaqtaıtyn otbasylarǵa, asyrap alýǵa tilek bildirgen azamattardyń esebin júrgizedi, irikteıdi jáne olardy qajetti ádistemelik, psıhologııalyq jáne zańdyq kómek kórsetý arqyly daıyndaıdy;»;
«6) qorǵanshylyqtaǵy nemese qamqorshylyqtaǵy, balany qabyldaıtyn otbasylarǵa berilgen ne jetim balalar men ata-anasynyń qamqorlyǵynsyz qalǵan balalarǵa arnalǵan uıymdarda tárbıelenip jatqan jetim balalar men ata-anasynyń qamqorlyǵynsyz qalǵan balalardyń múlkin basqarýdy, sondaı-aq atalǵan múliktiń saqtalýyn baqylaýdy júzege asyrady;»;
«10) qorǵanshylyqtaǵy jáne qamqorshylyqtaǵy, patronattaǵy jáne balany qabyldaıtyn otbasylarǵa berilgen jetim balalar men ata-anasynyń qamqorlyǵynsyz qalǵan balalardy kútip-baǵýǵa arnalǵan aı saıynǵy aqsha qarajatyn taǵaıyndaıdy jáne tóleıdi;
11) qorǵanshylardyń jáne qamqorshylardyń, patronat tárbıeshilerdiń, balany qabyldaıtyn ata-analardyń qyzmetin, sondaı-aq jetim balalar men ata-anasynyń qamqorlyǵynsyz qalǵan balalar tárbıelenetin uıymdardy baqylaýdy júzege asyrady;
12) qorǵanshylardyń jáne qamqorshylardyń, patronat tárbıeshilerdiń, balany qabyldaıtyn ata-analardyń áreketterine shaǵymdardy qaraıdy;
13) atalǵan adam qorǵanshy nemese qamqorshy bolyp taǵaıyndalǵanǵa deıin týyndaǵan qamqorlyqqa alynýshynyń boryshtaryn tóleýge qorǵanshyǵa nemese qamqorshyǵa, onyń jubaıyna nemese týystaryna, balany qabyldaıtyn ata-analarǵa ruqsat beredi;»;
mynadaı mazmundaǵy 15-1) tarmaqshamen tolyqtyrylsyn:
«15-1) balany qabyldaıtyn ata-analardan alty aıda keminde bir ret jetim balalardyń, ata-anasynyń qamqorlyǵynsyz qalǵan balalardyń densaýlyq jaǵdaıy týraly, olardy tárbıeleý jónindegi jumys týraly esepti, sondaı-aq jetim balalardyń, ata-anasynyń qamqorlyǵynsyz qalǵan, qabyldaýshy otbasyna berilgen balalardy kútip-baǵýǵa bólingen aqshalaı qarajatty jumsaý týraly, olardyń múlkin basqarý jónindegi esepti talap etedi;»;
16) tarmaqsha mynadaı redaktsııada jazylsyn:
«16) qorǵanshylar nemese qamqorshylar, balany qabyldaıtyn ata-analar tıisti túrde oryndamaǵan jaǵdaılarda, onyń ishinde olar qorǵanshylyqty nemese qamqorshylyqty jeke basynyń maqsatyna paıdalanǵan ne qamqorlyqqa alynýshyny qadaǵalaýsyz jáne qajetti kómeksiz qaldyrǵan kezde olardy óz mindetterin oryndaýdan shettetedi jáne qajetti sharalar qabyldaıdy;».
2. Osy qaýly 2017 jylǵy 1 qańtardan bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Premer-Mınıstri B.SAǴYNTAEV