Bala asyrap alatyn azamattar úshin qolaıly quqyqtyq ortany kúsheıtý qajet - Memleket basshysy
ASTANA. QazAqparat - Otbasylarda patronatty tárbıe berýdi, baǵyp-qaǵýdy, qamqorshylyqty keńeıtý úshin zańnamalyq negizdi nyǵaıtý kerek. Bul týraly Memleket basshysy Nursultan Nazarbaev «Mereıli otbasy» ulttyq baıqaýynyń jeńimpazdaryn marapattaý rásiminde málim etti.
«Bala asyrap alatyn jáne jetim balalardy tárbıelep otyrǵan azamattar úshin qolaıly quqyqtyq ortany kúsheıtý qajet. Osyndaı otbasylar memleket pen qoǵamdyq birlestikterdiń tarapynan jan-jaqty kómektik nazarynda bolýy tıis. Jyl saıyn bizdegi balalar úılerinen jetkinshekterdi asyrap alatyn adamdardyń artýy qýantady. Barsha álemde osyndaı ıgi sharalar jasalýda. Otbasylarda patronatty tárbıe berýdi, baǵyp-qaǵýdy, qamqorshylyqty keńeıtý úshin zańnamalyq negizdi nyǵaıtý kerek. Kóptegen elderde qamqorshysyz qalǵan balalar ýaqytsha ornalastyrylatyn meımandy otbasy tájirıbesi bar», - dedi Prezıdent.
Munymen qosa Elbasy balasynan bas tartqan jas analar týǵan búldirshinimen jıi aralasyp turýy úshin jaqynda jerde ornalasýyna jaǵdaı jasaý máselesin kóterdi. Bolashaqta bul áıelder ózderiniń balalaryn óz qolyna alyp, tárbıeleı alady. Sonymen qatar N. Nazarbaev dáýletti adamdardy osyndaı jaǵdaılarda kómek qolyn sozýlaryna shaqyrdy.
