Bala asyrap alý rásimin jeńildetý úshin ne istelinbek

ASTANA. KAZINFORM — Premer-Mınıstr Oljas Bektenov Senat depýtattarynyń saýalyna oraı jetim balalardy asyrap alý rásimin jeńildetý baǵytynda qandaı sharalar qolǵa alynǵanyn aıtty.

— Bala asyrap alý tártibi Neke (erli-zaıyptylyq) jáne otbasy týraly kodekspen rettelgen. Bala asyrap alýǵa kandıdattar dep taný «elektrondyq úkimet» veb-portaly arqyly memlekettik qyzmet túrinde júzege asyrylady, — dedi Premer-Mınıstr.

Úkimet basshysy jetim balalar men ata-anasynyń qamqorlyǵynsyz qalǵan balalardy otbasylarǵa, onyń ishinde asyrap alýǵa ornalastyrý rásimi «Jetim balalardyń, ata-anasynyń qamqorlyǵynsyz qalǵan balalardyń jáne balalardy óz otbasylaryna tárbıeleýge qabyldaýǵa tilek bildirgen adamdardyń respýblıkalyq derekter banki» aqparattyq júıesi (RDB) arqyly júzege asyrylatyndyǵyn aıtady. 

— Kórsetilgen sanattaǵy balalardy ornalastyrý tártibin jeńildetý, usynylatyn qujattardyń sanyn ońtaılandyrý jáne qarastyrý merzimderin qysqartý maqsatynda memlekettik organdardyń aqparattyq júıelerimen ıntegratsııalaý jolymen (tartylǵan qarajat esebinen) bıznes-protsesterdi jetildirý bóliginde RDB jańǵyrtý boıynsha jumys bastaldy, — dedi Oljas Bektenov.

Buǵan deıin jetim balalardyń tálimgerleri psıhologııalyq daıarlyqtan ótetindigin jazǵan edik.