Bala anasynyń óliminen keıin tórt aıdan soń dúnıege keldi
ASTANA. QazAqparat - Lıssabonnyń 37 jastaǵy turǵyny dárigerler mıynyń ólgenin belgilegennen keıin tórt aıdan soń dúnıege deni saý balany ákeldi.
Salmaǵy 2,35 kelilik bala kesar tiliginiń kómegimen 32-shi aptada týdy, dep jazady AR.
Portýgalııalyq dárigerler áıeldiń mıynyń ólgenin aqpanda belgilegen. Qaıǵyly oqıǵaǵa qaramastan, akýsherler Lıssabon turǵynynyń ishindegi balanyń deni saý degen qorytyndy jasady. Olar anasyn tirshilikti qamtamasyz etý apparatynan ajyratpaý sheshimin qabyldady. Bul áreketti aýrýhananyń etıka jónindegi komıtetiniń ókilderi, sondaı-aq qaıtys bolǵan áıeldiń týystary da quptady.
Bul osyǵan uqsas birinshi oqıǵa emes. Buǵan deıin Polshada áıel qaıtys bolǵan soń 55 kúnnen keıin dúnıege sábı ákeldi.
