Bala 95 kelige aryqtap, sóıleı bastady
ASTANA. 24 sáýir. QazAqparat - Sasha Pehtelev esimdi Reseıdiń Volgograd qalasynda turatyn álemdegi eń semiz balalardyń biri salmaǵynyń jartysyn tastap, edáýir aryqtaǵan, dep habarlaıdy Lenta.rý.
Osydan eki jyl buryn 13 jasar bala 180 keli tartqan edi, qazir 95 kelige aryqtady. Ol mundaı jetistikke arnaıy dıeta oılap tapqan ájesiniń arqasynda jetken kórinedi.
Buryn bireýdiń kómeginsiz qozǵala almaıtyn, tipti durys sóıleı almaıtyn bala, búginde aýlada emin-erkin oınap, júgirip, tipti 3 qabattaǵy úıine ózi kóterilip júr.
Pradera-Vıllı sındromymen (maı basý jáne deneniń jetilýin tejeıtin sırek aýrý túri) aýyratyn Sasha 3 jyl boıy tek tizim boıynsha tamaqtandy. Oǵan tek botqa, sút ónimderi, jeńil-jelpi sorpalar, taýyq eti, jemister men kókónister ǵana ruqsat etildi.
«Biz óz degenimizge jettik. Sasha óziniń burynǵy salmaǵynyń jartysyna aryqtady. Degenmen, biz bunimen toqtap qalmaımyz», - deıdi ájesi.
