Bal aıynda jer sharyn velosıpedpen aralaǵan jup - FOTO
ASTANA. QazAqparat - 2012 jyly Jańa Zelandııadan bal aıyna attanǵan erli-zaıypty Ket pen Stıv Ternerler jaqynda eline oraldy. Olar 674 kún ishinde velosıpedpen úsh qurlyqty aralap ótti. Atalmysh jup bal aıyndaǵy saıahat kezinde Qazaqstanǵa da taban tiregen eken.
Ádette jas jubaılar toıdan soń bal aıyna tanymal demalys oryndaryna barýǵa talpynatyn-dy. Al aǵylshyndyq Ket pen Stıv Ternerler neke qııý rásiminen soń, demalystyń erekshe túrin tańdapty. Olar jubaılyq ómirdiń alǵashqy kúnderin velosıped basqyshyn aınaldyrýǵa arnaǵan.
Atap aıtsaq, olardyń bal aıy eki jylǵa biraq sozyldy. Sebebi, erli-zaıyptylar 674 kún ishinde 20 000 mıl júrip ótip, úsh qurlyqtyń birqatar elderinde qonaqta bolǵan eken. Atap aıtqanda, olar Avstralııa, Malaızııa, Indonezııa, Taıland, Laos, Kambodja, Vetnam, Qytaı, Qyrǵyzstan, Qazaqstan, Ózbekstan, Túrkimenstan, Túrkııa, Gretsııa, Italııa jáne Frantsııada bolyp, taıaýda Anglııadaǵy úılerine oraldy, dep jazady Day.Az.
