Baqytjan Jumaǵulov oqýshylar men stýdentterdiń qatysýymen Shaǵyn Ýnıversıada ótkizýdi usyndy
ASTANA. 4 qarasha. QazAqparat - Búgin Úkimet otyrysynda Bilim jáne ǵylym mınıstri Baqytjan Jumaǵulov 2017 jyly Qazaqstanda ótetin Dúnıejúzilik Ýnıversıadaǵa daıyndyq sheńberinde óńirlerde oqýshylar men stýdentterge arnalǵan kishi Ýnıversıada ótkizýdi usyndy.
«Biz Ýnıversıada baǵdarlamasy sheńberinde sporttyń qysqy túrlerinen oqýshylar jáne stýdentterdiń qatysýymen Shaǵyn Ýnıversıada ótkizýdi usynamyz. Bul boıynsha vedomstvoaralyq úılestirýdi kúsheıtýimiz qajet. Sondyqtan aımaqtarda oqýshylar men stýdentterdiń qatysýymen Shaǵyn Ýnıversıada ótkizýdi usynamyn. Nátıjesinde oqýshylarǵa irikteý júrgizýge bolady. Osylaısha olar 2017 jyly bizdiń quramaǵa kire alady»,-dedi mınıstr.
Onyń paıymdaýynsha, júldeli oryn alǵandarǵa oblys ákimderi joǵary oqý oryndarynda oqýǵa grant bólse, oryndy bolar edi.
«Osylaısha biz Búkilálemdik Ýnıversıadaǵa sportshylardy sapaly daıyndaý úshin mektep pen joǵary oqý oryndary arasyndaǵy baılanysty nyǵaıtamyz. Sonymen qatar, balalar men jasóspirimderge arnalǵan sport mektepteri men olımpıadalyq rezerv mektepteriniń jumysyn jandandyrýymyz qajet. Olar Búkilálemdik Ýnıversıadanyń sport túrlerin damytýǵa bazalyq serpin berýi tıis»,-dep túıdi B. Jumaǵulov.
Aıta keteıik, 2017 jylǵy Ýnıversıada Qazaqstanda ótedi.
