Baqytjan Jumaǵulov Musylman elderiniń ınjenerlik uıymdary federatsııasynyń prezıdenti bolyp saılandy
MATY. 28 qazan. QazAqparat /Erlik Erjanuly/ - Búgin Almatyda Musylman elderiniń ınjenerlik uıymdary federatsııasy (FEIIC) Bas assambleıasynyń kezekti májilisinde QR Bilim jáne ǵylym mınıstri, QR Ulttyq ınjenerlik akademııasynyń prezıdenti Baqytjan Jumaǵulov FEIIC Prezıdenti bolyp saılandy.
Buǵan deıin bul qyzmetti ıordanııalyq Ýal Assagaa atqaryp kelgen bolatyn. Jalpy 1989 jyly qurylǵan bul halyqaralyq uıymǵa qazirgi tańda 22 el múshe. Onyń prezıdenti 2 jylda bir ótetin Bas assambleıa májilisinde, 2 jyl merzimge saılanady.
"22 jyldyq tarıhy bar bul uıym eń aldymen ınjenerler men ǵalymdardyń birigýin nyǵaıtýǵa baǵyttalǵan. Ol tehnologııalardy jetildirý men tájirıbe almasýdy kózdeıdi, Qazaqstan sońǵy 15 jyldan beri bul uıymnyń quramynda", - deıdi Baqytjan Tursynuly. Onyń aıtýynsha, Qazaqstanda taý-ken óndirisi, Saýd Arabııasynda munaı óndirý, Malaızııada aqparattyq tehnologııa jaqsy damyǵan. Federatsııaǵa múshe elder bir-birimen tyǵyz baılanys ornatyp, ınjenerler men ǵalymdardyń kúsh-jigerin biriktirýge kúsh salady.
