Baqytjan Jumaǵulov memlekettik bilim standartyn ázirleýdi tapsyrdy
ASTANA. 24 tamyz. QazAqparat - Búgin Astanadaǵy «Bilim berý júıesin jańǵyrtý - adamı kapıtaldyń sapaly ósýiniń basty baǵyty» respýblıkalyq pedagogıkalyq tamyz konferentsııasynda Bilim jáne ǵylym mınıstri Baqytjan Jumaǵulov memlekettik bilim standartyn ázirleýdi tapsyrdy.
«Y. Altynsarın atyndaǵy bilim berý akademııasy álemdik tájirıbege sáıkes memlekettik bilim standartyn ázirlesin jáne bilim mazmunyna qoıylatyn talaptardy qarastyrsyn.
Osynyń negizinde 12 jyldyq bilim berýdiń baǵdarlamasy men oqý josparlaryn ázirlesin»,-dedi mınıstr.
Budan bólek, B. Jumaǵulov «Oqýlyq» ortalyǵyna oqýlyqtar men baǵdarlamalar daıyndaýǵa jáne saraptama jasaýǵa qoıylatyn jańa dıdaktıkalyq talaptar ázirlep, tájirıbege engizýin tapsyrdy.
«Y. Altynsarın atyndaǵy bilim berý akademııasy men «Oqýlyq» ortalyǵy: - jańa paradıgma negizinde «Qazaqstan tarıhy» boıynsha baǵdarlamalar, oqýlyqtar men quraldar ázirlep, engizsin;
- «Ólketaný», «Akmeologııa negizderi», «Qazaqstandyq quqyq» pánderin oqytý ádistemesin, oqý baǵdarlamalaryn, oqýlyqtardy ázirlesin jáne mazmunyn anyqtasyn»,-dep júktedi mınıstr.
