Baqytjan Jumaǵulov alańdatyp otyrǵan máselelerdi atady
«Alańdaýshylyq týǵyzatyn birqatar máseleler de bar. Birinshi, jumyssyz jastar quramynyń ózgerýi. Jumyssyzdyq deńgeıi jalpy azaıyp kele jatqanymen, olardyń arasynda joǵary jáne kásiptik-tehnıkalyq bilimi bar jastar kóp. Ekinshi, óz betimen jumys isteıtinderdiń sany azaımaı otyr. Ol 2 mln-nan astam adamdy quraıdy. Úshinshi, tehnıkalyq jáne joǵary oqý ornyn bitirýshilerdiń edáýir paıyzy jumysqa ornalasa almaýda»,-dedi mınıstr.
Onyń sózinshe, bilim júıesi olardy birneshe aı qadaǵalap otyrady. Keıin olar nazardan tys qalady.
«Mundaı jaǵdaılarǵa jol bermeý kerek. Sondyqtan, jastardy jumysqa ornalasýǵa qoldaý kórsetýdiń jańa keshendi júıesin qurý qajet. Bul júıege Eńbek mınıstrligi, Bilim jáne ǵylym mınıstrligi jáne basqa mınıstrlikter men jergilikti atqarýshy organdar tolyǵymen qatysýy tıis»,-dep atap ótti vedomstvo basshysy.
B. Jumaǵulovtyń paıymdaýynsha, jańa júıe jastardy jumysqa ornalastyrýǵa naqty jáne tolyq monıtorıngti júzege asyrady. Eń bastysy, jumysqa ornalasýǵa naqty kómek kórsetedi.
Bul arada, jergilikti atqarýshy organdardyń, iri kásiporyndardyń róli óte mańyzdy. Ásirese, ındýstrııalandyrýdyń memlekettik baǵdarlamasy men bıznes jol kartasyna qatysýshylardyń orny aıryqsha.
«Mundaı júıeni engizý, Elbasy «Jas Otannyń» ІІ sezinde aıtyp ótken Arnaıy baǵdarlamasynyń mańyzdy pozıtsııasyna aınalýy tıis. Sonymen qatar, bul júıe Memleket basshysynyń jastar saıasaty boıynsha tapsyrmalaryn iske asyrý jónindegi is-sharalar josparyna enýi qajet. Osyndaı jospardy ázirleýge barlyq ortalyq jáne jergilikti basqarý organdary qatysýy tıis dep oılaımyn»,-dep túıdi ol.
Aıta keteıik, elimizde 2001 jylmen salystyrǵanda jastardyń jumyssyzdyq deńgeıi 4 esege azaıyp, 3,8 paıyzdy qurap otyr. Bul kórsetkish Eýropa men TMD elderinde shamamen 18 paıyzdan, al keıbir elderde 40 paıyzdan asady eken.