Baqytjan Saǵyntaevtyń kortejine oq jaýdyrǵan vıdeo ras - ákimdik
ALMATY. QazAqparat - Áleýmettik jelide Almaty ákimi Baqytjan Saǵyntaevtyń kortejine lańkesterdiń oq jaýdyrǵan vıdeosy jarııalandy, dep habarlaıdy QazAqparat tilshisi.
Almaty qalasy ákimdiginiń baspasóz qyzmeti vıdeonyń shynaıy ekenin rastady.
«Almaty qalasy ákimdiginiń baspasóz qyzmeti 2022 jyly 6 qańtarda bolǵan oqıǵanyń beınejazbasy shynaıy ekenin rastaıdy. Tergeý is-sharalarynyń júrgizilýine baılanysty qosymsha aqparatty jarııalaýǵa tyıym salynady», - dep málim etti baspasóz qyzmeti.
Eske salsaq, Almatyda jappaı tártipsizdik kezinde Almaty ákimi otyrǵan kólikke oq atylǵany týraly qala ákiminiń orynbasary Erjan Babaqumarov rastaǵan bolatyn. Sondaı-aq, atys kezinde Almaty qalasynyń sport basqarmasynyń basshysy Rústem Baıseıtov atys qarýynan jaraqat alǵan.
