Baqytjan Saǵyntaev jańa quramdaǵy QTJ dırektorlar keńesiniń birinshi otyrysyn ótkizdi

ASTANA. QazAqparat - 8 tamyzda QR Premer-Mınıstriniń birinshi orynbasary Baqytjan Saǵyntaevtyń tóraǵalyq etýimen «Qazaqstan temir joly» Ulttyq kompanııasy dırektorlar keńesiniń alǵashqy otyrysy ótti, dep habarlady «Qazaqstan temir joly» UK» AQ baspasóz qyzmetinen.

«Samuryq Qazyna» AQ basqarmasynyń sheshimimen «Qazaqstan temir joly» UK» AQ dırektorlar keńesiniń quramyna tómendegiler kirdi:

Saǵyntaev Baqytjan Ábdiruly - QR Premer-Mınıstriniń birinshi orynbasary, dırektorlar keńesiniń tóraǵasy;

Ilkıavıchıýs Adamas - «Samuryq Qazyna» UÁQ» AQ transformatsııa jáne arnaıy jobalar boıynsha basqarýshy dırektor;

Beısenǵalıev Berik Tursynbekuly - «Samuryq Qazyna» AQ  basqarma múshesi - aktıvterdi ońtaılandyrý boıynsha basqarýshy dırektor;

Kýn Krıstıan, Syzdyqov Tıto Ýahapuly, Svıatov Serik Amanjoluly, Vılgelm Bender - táýelsiz dırektorlar;

Mamın Asqar Uzaqpaıuly - «Qazaqstan temir joly» Ulttyq kompanııasy» AQ basqarma tóraǵasy.

«QTJ» UK» AQ saılanǵan dırektorlar keńesiniń ókilettiliginiń merzimi úsh jyl.