Baqytjan Saǵyntaev: Jańa aýdan halqynyń ómir súrý deńgeıin kóterý - abyroıly is
Aýdandy aralaǵan kezde qala basshysy ákimshilik ortalyqta boldy. Munda ol aýdandy damytýdyń perspektıvalyq josparymen jáne negizgi áleýmettik-ekonomıkalyq kórsetkishterimen tanysty. Naýryzbaı aýdandyq HQO kelýshilerimen memlekettik qyzmet kórsetýdiń sapasyn arttyrý máselesin talqylady.
Sonymen qatar, Almaty ákimi «Shuǵyla» shaǵynaýdanynda salynyp jatqan turǵyn úı keshenin kórdi. Aýlany aralaǵan kezde B.Saǵyntaev turǵyndarmen tildesti jáne aldaǵy bolatyn apparat otyrysynda móltek aýdandy abattandyrý máselesi qaralatynyn atap ótti.
«Naqty jospar ázirleýdemiz. Oǵan jaýaptylardy belgileımiz, olardyń telefondary men aty-jónderi jazylǵan taqtaıshalardy ilemiz. Sol arqyly turǵyndar kimniń qaı ýchaskege tikeleı jaýapty ekenin biletin bolady. Ómir súrý úshin jaıly jaǵdaı jasaý - bizdiń basty mindetimiz», - dedi Almaty ákimi.
Sonymen qatar, Baqytjan Saǵyntaev «Aqsaı» fıltr stansasynda boldy. Munda ol sýmen qamtýdyń aǵymdaǵy jaǵdaıy men jospary týraly esepti tyńdady. Taýsamaly, Aqjar, Quramys shaǵyn aýdandarynda sý tasymalyn ulǵaıtýdy tapsyrdy.
«Aýdan áli jas, onyń qalaǵa qosylǵanyna nebári bes jyl toldy. Mundaǵy jeke sektor úlken, adamdardyń qala standarty boıynsha ómir súrgisi keledi. Sondyqtan qazirden bastap tıisti basqarlamalar men aýdan ákimdigi birge osy baǵyttar boıynsha jumysty kúsheıtýi tıis», - dedi Baqytjan Saǵyntaev.
Qala basshysy aýdan ákimi Sanjar Toǵaıǵa búgin berilgen tapsyrmalardyń oryndalý barysyn kúndelikti tekserýdi jáne jumys júrip jatqan ýchaskelerde únemi ózi júrýdi tapsyrdy. Qala ákimi Abaı dańǵyly boıyn ıAssaýı kóshesinen qala shekarasyna deıin úńgileý jumysymen jáne Áshimov kóshesiniń qıylysyna salynyp jatqan jolaıryǵy qurylysynyń barysymen tanysty.
