Baqytjan Saǵyntaev Úlbi metallýrgııa zaýytynyń jumysymen tanysty
ASTANA. QazAqparat - QR Premer-Mınıstri Baqytjan Saǵyntaev Shyǵys Qazaqstan oblysyna jumys sapary barysynda Úlbi metallýrgııa zaýytynyń jumysymen tanysty, dep habarlaıdy primeminister.kz.
B. Saǵyntaevqa syıymdylyǵy joǵary kondensatorly tantal untaqtar óndiriletin korpýs qyzmeti tanystyryldy, olar joǵary sapaly radıo-elektrondy appratatýranyń ajyramas quraýshysy bolyp tabylady.
Búginde ÚMZ álemge tanylǵan ýran jáne tantal ónimderin shyǵarýshylardyń biri bolyp tabylady. Kásiporyn «QazAtomÓnerkásip» ulttyq atom kompanııasynyń quramyna kiredi. Zaýyt ónimin eksporttaýshylar Reseı, AQSh, Qytaı, Japonııa, Germanııa, Frantsııa, Avstrııa.
Kásiporyn ıadrolyq otyndy qaıta óńdeýmen aınalysady, sırek kezdesetin metaldardy jáne shala ótkizgish materıaldardy, hımııa ónerkásibi úshin mıneral shıkizattaryn jáne tyńaıtqyshtardy, basqa da negizgi beıorganıkalyq hımııalyq zattardy óndiredi. Negizgi ónim túrleri boıynsha óndiristik qýattylyǵy jylyna 6 900 tonnany quraıdy. Kásiporyndy odan ári jańǵyrtý jumystary júrgizilýde.
Jańa tehnologııalar engizilip, ındýstrııalandyrý boıynsha memlekettik baǵdarlama júzege asyrylyp jatqan Úlbi metallýrgııa zaýyty aımaqtaǵy ǵana emes, elimizdegi jańa ekonomıkalyq ósim úlgisiniń negizine aınala alady.
Óndiris nysanyn aralaý nátıjesi boıynsha ShQO ákimi D. Ahmetov, «Qazatomónerkásip» UAK» AQ Basqarma Tóraǵasy A. Jumaǵalıev jáne «ÚMZ» AQ Basqarma Tóraǵasy ıÝ. Shahvorostov QR Premer-Mınıstriniń qatysýymen óńirdiń áleýmettik-ekonomıkalyq damýy aıasyndaǵy yntymaqtastyq týraly úshjaqty Memorandýmǵa qol qoıdy.
