Baqytjan Saǵyntaev TMD-daǵy eń úlken derekter ortalyǵynyń jumysymen tanysty
ASTANA. QazAqparat - Búgin Pavlodar oblysyna jumys sapary aıasynda Premer-Mınıstr Baqytjan Saǵyntaevqa «Qazaqtelekom» AQ men Hewlett-Packard kompanııasynyń birlesken jobasy, TMD-daǵy eń úlken derekter ortalyǵynyń ınnovatsııalyq qyzmetteri tanystyryldy. Bul týraly primeminister.kz habarlaıdy.
Premer-Mınıstr Derekterdi óńdeý ortalyǵynyń (DÓO) komandalyq ortalyǵy men germoaımaǵyn tekserdi. Munda qarapaıym telefon baılanysynan bastap, tsıfrlyq televızııa men keń jolaqty ınternet naryǵyndaǵy sońǵy usynystarǵa deıin ártúrli qyzmetter usynylady. Qalalar men aýyldyq eldi mekender arasyndaǵy «Qazaqtelekom» AQ qyzmetterine qol jetkizý men paıdalanýdaǵy aıyrmashylyq azaıyp keledi.
«Derekterdi óńdeý ortalyǵy» ınnovatsııalyq jobasy 2013 jyly Indýstrııalandyrý kartasy jobalaryn tanystyrýǵa arnalǵan jalpyulttyq telekópir kezinde óz jumysyn bastaǵan bolatyn. Bul - Orta Azııadaǵy Tier III sanatyndaǵy, ıaǵnı nysannyń jumysyn profılaktıkalyq jóndeý kezinde toqtatpaı júzege asyrýǵa múmkindik beretin senimdi ári alǵashqy joba.
«Qazaqtelekom» AQ derekter ortalyqtarynyń jelisi jalpy respýblıkany qamtıdy jáne vırtýaldy hostıng, VPS, Colocation, Dedicated qyzmetteri, sondaı-aq, bıyl shilde aıynda qosylǵan Microsoft Hosted SharePoint, Microsoft Hosted Exchange jáne beınekonferentsııa baılanysy júıesi sekildi birqatar ınnovatsııalyq servısterdi usynatyn 14 nysany bar.
Ortalyqtyń jumysy týraly Genesis Mining kompanııasynyń jergilikti ókili Lýkas Pfaıffer aıtyp berdi. Búginde derekter ortalyǵy elektrondy aqpartty óńdep ári saqtaıtyn 11 myńnan asa qurylǵyny qabyldaýǵa qaýqarly. Tirshilikti qamtamasyz etetin barlyq júıe mysaly, energetıka, kondıtsııalaý, órt sóndirý júıeleri keıinge saqtalyp, málimetterdi jiberetin magıstraldy kanaldarǵa qosylǵan.
Sondaı-aq, Derekterdi óńdeý ortalyǵynda jınaqtyq esepteý tujyrymdamasy negizinde jasalǵan qyzmetter usynylady, máselen: jınaqtyq serverlik platforma, derekterdi saqtaýdyń jınaqtyq júıesi, derekterdi óńdeýdiń vırtýaldy saqtyq ortalyǵy, bızneske arnalǵan baǵdarlamalyq qamsyzdandyrý, ınteraktıvti qarym-qatynas jáne aqparatpen almasý júıesi, jınaqtyq beınekonferentsııa baılanysy.
